U Lidzie prajšli zatrymańni na «Biełteks Optyk», «Łakafarbie» i pradpryjemstvie ŽKH
U Lidzie praciahvajucca zatrymańni pa palityčnych matyvach, a na małočna-kansiervavym kambinacie prymušajuć hladzieć prapahandysckija filmy, paviedamili lidskija pravaabaroncy. Pavodle ich źviestak, adabranyja ŭ zatrymanych telefony pradajuć u kramie kanfiskatu.
Zatrymańni na pradpryjemstvie «Biełteks Optyk», pavodle infarmacyi pravaabaroncaŭ, prajšli 21-22 vieraśnia.
Taksama 22 vieraśnia zatrymlivali ludziej na pradpryjemstvie «Łakafarba» i Lidskim HUP ŽKH. «U ŽKH zatrymany buchhałtar. Chutčej za ŭsio, rejdami pa zatrymańniach zajmajucca «hastralory» z Hrodna», — paviedamili pravaabaroncy.
A na Lidskim małočna-kansiervavym kambinacie źjaviŭsia ideołah — były načalnik adździeła DAI Lidskaha RAUS Alaksandr Švakiel. Pavodle infarmacyi pravaabaroncaŭ, usich rabotnikaŭ abaviazali padpisać «kodeks karparatyŭnaj etyki». Tam, akramia karparatyŭnaha stylu adzieńnia i inšych rečaŭ, prapisana niedapuščalnaść prahladu «ekstremisckich» resursaŭ, śćviardžajuć pravaabaroncy.
«Ekstremisckimi» łukašysty nazyvajuć usie niepadkantrolnyja sabie ŚMI, kanały i błohi.
«Akramia taho, rabotniki nie pavinny kantaktavać pamiž saboj, razmaŭlać i źbiracca hrupami. Nie majuć prava raspaviadać kamu-niebudź pra toje, što adbyvajecca na zavodzie. Piać čałaviek byli zaprošanyja spačatku na razmovu ab art. 19.11 KaAP, potym ich prymusili hladzieć filmy «Mankurty» i «Zabić prezidenta», — raspaviali pravaabaroncy.
Pavodle ich źviestak, kanfiskavanyja ŭ zatrymanych mabilnyja telefony potym pradajuć u kramie kanfiskatu «Vaš vybar» na vulicy Adama Mickieviča.
«Słava Ukrainie!» Hetyja słovy zavadčan padčas zastolla nazvali «nacysckimi». Raniej ich žorstka zatrymali
U Lidzie zatrymali mužčynu i jahonaha načalnika, jaki papiaredziŭ pra niebiaśpieku
U Mahilovie sudziać dvuch daktaroŭ pa «spravie artapiedaŭ». Adzin ź ich vučyŭ syna byłoha ministra achovy zdaroŭja
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu3
Kamientary