Prezident Ukrainy Uładzimir Zialenski siońnia ŭziaŭ udzieł u cyrymonii ŭšanavańnia pamiaci achviar trahiedyi ŭ Babinym Jary, dzie ŭ 1941—1943 hadach nacysty rasstralali tysiačy jaŭrejaŭ, piša «Ukrainskaja praŭda».
Trahiedyja ŭ Babinym Jary ŭ hady Druhoj suśvietnaj stała adnym ź simvałaŭ Chałakostu. 29 vieraśnia 1941 hoda nacysty pačali masavyja rasstreły jaŭrejskaha nasielnictva Kijeva va ŭročyščy. U toj dzień było rasstralana bolš za 22 tysiačy čałaviek. Kanviejer śmierci na tym nie spyniŭsia, i da siaredziny kastryčnika kolkaść achviar pieravysiła 50 tysiač.
Na prośbu Uładzimira Zialenskaha hetym razam cyrymonija była abmiežavanaja i ŭklučała dakładnuju kolkaść udzielnikaŭ. Prysutničali rabiny z Kijeva, Biardzičava, Žytomira, Biełaj Carkvy i Čarkasaŭ na čale z namieśnikam staršyni Rady jaŭrejskich supołak Ukrainy — rabinam Rafaelem Rutmanam.
Zialenski padčas vystupu adznačyŭ, što judaizm va Ukrainie siońnia kvitnieje i raźvivajecca biez usialakaj dyskryminacyi. Jon pieradaŭ pryvitańnie jaŭrejskaj supołcy, jakaja siońnia ŭviečary budzie adznačać śviata Sukot.
Nahadajem, što rasijskaja, a śledam za joj i biełaruskaja prapahanda zapeŭnivajuć, što ŭ Kijevie siadziać nacysty.
-
Prybytak Volkswagen upaŭ na 44%. Kancern skarocić 50 tysiač pracoŭnych miescaŭ u Hiermanii
-
U Polščy paviedamili pra zatrymańnie biełaruskaha «złodzieja ŭ zakonie». Voś tolki niezrazumieła, što ź im rabić dalej
-
Ukraina prapanoŭvała ZŠA technałohii procidziejańnia iranskim bieśpiłotnikam. Tyja nie zacikavilisia, ciapier ličać heta «najbolšym promacham»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku3
Kamientary