Kavaleŭski: My nie pačuli ad rasijskich demsił, što paśla pieramien RF admovicca ad kałanijalnaj palityki
Abjadnany pierachodny kabiniet nie maje kantaktaŭ ni z rasijskimi ŭładami, ni z rasijskaj apazicyjaj, paviedamiŭ «Pozirku» pradstaŭnik Abjadnanaha pierachodnaha kabinieta Valer Kavaleŭski.
Pavodle jaho słoŭ, na siońniašni dzień ad demsił Rasii nie prahučała «jasnaj, dakładnaj pazicyi nakont taho, jak budzie vyhladać źniešniaja palityka RF u adnosinach da krain-susiedziaŭ paśla demakratyčnych pieramien».
«My nie pačuli, što jany buduć hatovy całkam spakojna ŭsprymać zajavy luboj z krain, budzie heta Biełaruś abo Małdova, Ukraina, Armienija, Azierbajdžan, pra namier uvajści ŭ Jeŭrapiejski sajuz, NATA i h.d.», — zajaviŭ Kavaleŭski.
U hetych umovach, skazaŭ jon, niemahčyma raźvivać adnosiny choć jakim čynam.
«My nie chočam mianiać šyła na myła, padtrymlivać siłu, jakaja pryjdzie i budzie pravodzić takuju ž ahresiŭnuju, niezakonnuju palityku, jak heta ciapier robić Pucin», — padkreśliŭ pradstaŭnik Kabinieta.
Čytajcie taksama:
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary