U Hrodnie zatrymany padazravany ŭ datyčnaści da DTZ, u jakim zahinuŭ supracoŭnik DAI
U Hrodnie zatrymany padazravany ŭ datyčnaści da darožna‑transpartnaha zdareńnia, u jakim zahinuŭ supracoŭnik Dziaržaŭtainśpiekcyi.
Pra heta paviedamili va ŭpraŭleńni DAI UUS Hrodzienskaha abłvykankama.
Nahadajem, DTZ adbyłosia 7 śniežnia na vulicy Dziaržynskaha ŭ Hrodnie prykładna ŭ 23.20. Słužbovy «Opiel» ruchaŭsia z uklučanymi probliskavymi majačkami čyrvonaha i siniaha koleraŭ i hukavym sihnałam. Napieradzie milicejskaj mašyny, na pałasie ruchu, adzinaj u pramym napramku (nasustrač — dźvie), znachodziŭsia mini‑ven «Sitrajen Evazijon» z uklučanym levym pavarotam. Kali «Opiel» byŭ na adlehłaści prykładna 20 mietraŭ ad «Sitrajena»,
kiroŭca apošniaha, vyrašyŭšy, vidać, vyzvalić pałasu, pačaŭ pavaročvać naleva. Adnak u hety čas mašyna DAI ŭžo pačała abhaniać jaho pa levaj pałasie.
Kab paźbiehnuć sutyknieńnia, vadziciel «Opiela», 29‑hadovy supracoŭnik bataljona darožna‑patrulnaj słužby ŭpraŭleńnia DAI UUS Hrodzienskaha abłvykankama,
rezka vyviernuŭ rul uprava. U vyniku manieŭru mašyna pieralacieła cieraz tratuar, urezałasia ŭ dreva i pierakuliłasia. Kiroŭca zahinuŭ na miescy.
Jaho naparnik atrymaŭ niaznačnyja traŭmy.
Pavodle słoŭ surazmoŭcy ahienctva, zatrymany nie admaŭlaje fakt znachodžańnia ŭ miescy, dzie adbyłosia DTZ, padčas avaryi i ŭčynieńnia manieŭru, jaki papiaredničaŭ DTZ. Adnak akaličnaści darožna‑transpartnaha zdareńnia da kanca jašče nie vyśvietleny. Pravodziacca apieratyŭna‑śledčyja mierapryjemstvy. Rasśledavańnie abciažarana tym,
što kantaktu pamiž mini‑venam i milicejskaj mašynaj nie było.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ70
Kamientary