Rasijskamu błohieru Kacu ŭručyli simvaličny «pašpart svabodnaj demakratyčnaj Biełarusi»
U adroźnieńnie ad «pašparta novaj Biełarusi», prapanavanaha demsiłami ŭ jakaści alternatyŭnaha prajaznoha dakumienta i paśviedčańnia asoby, hety prajekt na taki status nie pretenduje.
Rasijski apazicyjny palityk i viadomy jutub-błohier Maksim Kac na tvorčaj sustrečy ŭ Bierlinie 21 vieraśnia atrymaŭ simvaličny «pašpart hramadzianina svabodnaj demakratyčnaj Respubliki Biełaruś».
«Pašpart» jość prajektam aktyvista biełaruskaj dyjaspary ŭ Hiermanii Tarasa Siakierki. «Heta tvorčy prajekt, jaki ja arhanizavaŭ u listapadzie 2020 hoda, kali raspačała pracu alternatyŭnaja ambasada svabodnaj i demakratyčnaj Respubliki Biełaruś u Hiermanii. U Maksima Kaca pašpart pad numaram 319», — paviedamiŭ jon «Pozirku».
Ideja prajekta, pavodle słoŭ Siakierki, zaklučajecca ŭ tym, što «kožny čałaviek na Ziamli, niezaležna ad vieravyznańnia i koleru skury, kali jon nie padtrymlivaje dyktaturu Łukašenki», maje prava «atrymać pašpart i stać hramadzianinam svabodnaj demakratyčnaj Respubliki Biełaruś».
«Ja vydavaŭ pašparty biaspłatna, kali niechta chacieŭ zrabić danat — rabiŭ heta. Hałoŭnaja ideja pašparta — pakazać, što bolšaść ludziej nie padtrymlivajuć dyktaturu», — patłumačyŭ aktyvist.
Akramia Kaca, hetyja «pašparty» majuć biełaruskaja demakratyčnaja lidarka Śviatłana Cichanoŭskaja, suaŭtar miedyjaprajekta Nexta Ściapan Puciła, lohkaatletka Kryścina Cimanoŭskaja, śpiavačka Vieranika Kruhłova, piśmieńnik Saša Filipienka dy inš.
U adroźnieńnie ad «pašparta novaj Biełarusi», prapanavanaha demsiłami ŭ jakaści alternatyŭnaha prajaznoha dakumienta i paśviedčańnia asoby, hety prajekt na taki status nie pretenduje.
«Ambasada svabodnaj i demakratyčnaj Respubliki Biełaruś u Hiermanii» ŭjaŭlaje saboj vahončyk — infarmacyjny centr u bierlinskim Treptaŭ-parku, praz darohu ad budynka aficyjnaj biełaruskaj ambasady.
Cichanoŭskaja dała intervju, ad jakoha ŭ rasijskaj apazicyi pałychnuła. Što zdaryłasia?
«U rasiejcaŭ jość impieryjalistyčnyja ambicyi». Frahmient intervju Cichanoŭskaj, jakoje abmiarkoŭvaje tvitar
«Hałoŭnaje, što šmat biełarusaŭ vykazali słovy padtrymki». Cichanoŭskaja prakamientavała reakcyju na svajo intervju «Novoj hazietie»
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary