U Minsku pradajuć kvietkavuju kramu. Cana jak za čatyry ci piać kvater
U Minsku z aŭkcyjonu pradajuć kramu kvietak na vulicy Karła Libkniechta, 90. Łot źjaviŭsia na placoŭcy «Bielurzabieśpiačeńnie». Ahulnaja płošča — 192,5 kvadratnaha mietra, piša Blizko.by.
Pradaviec kramy — ZAT «Malva-praśpiekt», jakoje śpiecyjalizujecca na handli kvietkami: u sietcy kampanii šeść kram.
Pra kramu, vystaŭlenuju na tarhi, viadoma, što pry joj jość ipateka, pravaŭładalnik jakoj — bank BiełVEB.
Pačatkovy košt łota — 1 267 574 rubli, abo prykładna 396 tysiač dalaraŭ. U siarednim atrymlivajecca kala 2057 dalaraŭ za adzin kvadratny mietr — heta košt «kvadrata» ŭ elitnych novabudoŭlach.
Akramia taho, pakupnik maje vypłacić 1% ad sumy ŭhody jak uznaharodžańnie za absłuhoŭvańnie elektronnaj handlovaj placoŭki, a taksama 60 rubloŭ za arhanizacyju i praviadzieńnie tarhoŭ. Takim čynam, vynikovaja cana składzie 1 280 310 rubloŭ, abo 400 122 dalary.
U pamiaškańni kramy jość rovar, rajal i kantrabas, jakija vykarystoŭvajucca jak svojeasablivyja padstaŭki dla kvietak.
Tarhi adbuducca 5 śniežnia pa miescy rehistracyi jurydyčnaha adrasa kampanii — u Ždanovičach.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary