MZS: Nie budziem bicca hałavoj ab bietonnuju ścianu na Zachadzie, a znojdziem inšyja rynki zbytu
Namieśnik ministra zamiežnych spraŭ Ihar Nazaruk vykazaŭsia nakont pieraškod, jakija stvaryli biełaruskaj ekanomicy jeŭrapiejskija sankcyi.
Pradstaŭnik MZS zajaviŭ, što Biełaruś «nie budzie bicca hałavoj ab bietonnuju ścianu, jakuju joj uźviali na šlachu jaje tavaraŭ», pryvodzić jaho słovy BiełTA.
Heta, u pryvatnaści, datyčycca pradukcyi dreva– i mietałaapracoŭki. «My znojdziem rynki zbytu ŭ novych krainach — tak zvanaj dalokaj duhi. Hetaja pradukcyja tam dobra viadomaja. Tak, na niejkim etapie buduć dadatkovyja vydatki na transpart, zasvajeńnie rynku, ale dalej pojdzie narmalnaja i płanamiernaja praca», — zapeŭniŭ Nazaruk u kułuarach sieminara dla biełaruskich pradpryjemstvaŭ pa ŭžyvańni mier abarony ŭnutranaha rynku i mier mytna-taryfnaha rehulavańnia ŭ Jeŭrazijskim ekanamičnym sajuzie.
Apošnija hady biełaruski ekspart usio bolš zaviazany na Rasii. Tak, u 2020 hodzie dola Rasii ŭ źniešnim handli Biełarusi składała 47,9%, pa vynikach 2021 hoda jana vyrasła da 49%. Ciaham apošniaha hoda ŭžo kala 60-65% prypadaje na dolu RF.
Kamientary
🤷🏻♂️