Kolki hrošaj zachoŭvaje biełarus u bankach i što adbyvajecca z bankaŭskimi ŭkładami
Biełarusy čaściej kładuć hrošy ŭ bank u rublach i radziej zabirajuć ich daterminova, piša Officelife sa spasyłkaju na Nacbank.
U III kvartale hetaha hoda ŭ Biełarusi rasła dola terminovych układaŭ u biełaruskich rublach — z pačatku hoda jana była roŭnaja 39%, da kanca kastryčnika padrasła jašče na 3%.
Biełarusy stali čaściej raźmiaščać biełaruskija rubli na biezadzyŭnych układach: temp pryrostu pa ich u 2 razy vyšejšy, čym pa adzyŭnych.
Čaściej hrošy na bankaŭskich układach zachoŭvajuć žančyny: dola ich układaŭ u rublach pryrastaje chutčej, u zamiežnaj valucie — skaračajecca. Bolš za ŭsio srodkaŭ na ŭkłady prynosiać žančyny va ŭzroście 26-45 hadoŭ.
Kolkaść układčykaŭ u Biełarusi stała mienšaj: na 1 kastryčnika jana ŭpała na 16,5 tys. čałaviek — da 1,04 młn. U asnoŭnym heta adbyłosia za košt źnižeńnia popytu na ŭkłady ŭ valucie.
Usio čaściej układy adkryvajuć nie ŭ fizičnych adździaleńniach bankaŭ, a praź internet: za III kvartał takija ŭkłady vyraśli na 4, 8%, z pačatku hoda dola takich układaŭ pavialičyłasia da 22, 2%.
Radziej stali daterminova zabirać hrošy z układaŭ: abjom takich srodkaŭ za kvartał pamienšyŭsia z 204,2 da 161,4 młn rubloŭ.
Bolš za treć układaŭ, termin jakich skončyŭsia, biełarusy padaŭžajuć.
U siarednim biełaruski ŭkładčyk trymaje ŭ banku 1,2 tys. rubloŭ — i heta na 346 rubloŭ bolš, čym było ŭ minułym kvartale, i $8,2 tys. — heta na $246 mienš, čym raniej.
Siaredniaja suma ŭkładu na adnaho ŭkładčyka ŭ ekvivalencie ŭsich valut tym bolšaja, čym vyšejšy ich uzrost: bolš za ŭsio hrošaj u bankach trymajuć ludzi starejšyja za 46 hadoŭ.
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści6
Kamientary