Stała viadoma, kolki biełarusaŭ zakranie novy padatak na zvyšdachody i za jakija aŭto daviadziecca płacić bolš
Siabra pastajannaj kamisii pa biudžecie i finansach Pałaty pradstaŭnikoŭ Śviatłana Bartaš raskazała, jakija normy płanujecca ŭvieści ŭ spravie novaha padatku na zvyšdachody dla fizičnych asob.
«Płanujecca ŭstanaŭleńnie staŭki padachodnaha padatku ŭ pamiery 25% u adnosinach da častki dachodaŭ fizičnych asob zvyš 200 tysiač rubloŭ u hod. Kali kazać pra tych, na kaho nakiravanaja hetaja norma, to, pavodle našych acenak, heta kala 2 tysiač čałaviek», — raskazała Bartaš.
Jašče adna navina — pavieličeńnie padatkovaj nahruzki dla ŭładalnikaŭ luksavych aŭtamabilaŭ («Miersiedes», «Aŭdzi», BMV, «Bentli», «Rołs-Rojs», «Leksus», «Parše», «Kadyłak», «Džyp», «Lend Rover», «Jahuar») z terminam ekspłuatacyi nie bolšym za try hady z daty ich vypusku. Da takich aŭto budzie prymianiacca staŭka transpartnaha padatku, pavialičanaja ŭ 10 razoŭ.
Padatki padymuć i dla niekatorych arhanizacyj:
«Praduhledžana pavieličeńnie staŭki padatku na prybytak, jakaja pieravyšaje 25 miljonaŭ rubloŭ na hod, da 25%. Pavodle papiarednich prahnozaŭ, takoje pavieličeńnie zakranie tolki 155 arhanizacyj z prykładna 38 tysiač płacielščykaŭ», — skazała Bartaš.
Čytajcie taksama:
Na dziaržTB patłumačyli, navošta ŭvodziać padatak na bahaćcie
Vyjšaŭ rejtynh krain z padatkaabkładańniem «jak u piekle». Biełaruś zaniała tam pieršaje miesca
Transpartny padatak na mapiedy i skutary treba budzie płacić u 2023 hodzie
Bahatyja taksama płačuć. U Biełarusi chočuć uvieści padatak na zvyšprybytki i darahija aŭto
Kamientary