Ukrainski padletak, jakoha vyvieźli z Maryupala i chacieli pryzvać u rasijskaje vojska, znachodzicca ŭ Biełarusi
17-hadovy ŭkrainski padletak Bahdan Jarmochin, jakoha vyvieźli z akupavanaha Maryupala, a paźniej uručyli pozvu ŭ rasijski vajenkamat, pakinuŭ Rasiju i zaraz znachodzicca ŭ Biełarusi. Tut jon pavinien sustrecca sa svajoj siastroj, piša «Viorstka».
Bahdan Jarmochin u 8 hadoŭ straciŭ abodvuch baćkoŭ. Da pačatku poŭnamaštabnaj vajny jon vučyŭsia ŭ mietałurhičnym kaledžy ŭ Maryupali. U jaho jość starejšaja siastra, jakaja była jahonym apiekunom.
Paśla taho, jak Maryupal pierajšoŭ pad kantrol rasijan, Jarmochina vyvieźli na terytoryju RF i pieradali ŭ pryjomnuju siamju ŭ Padmaskoŭje.
U sakaviku 2023 hoda Jarmochin pasprabavaŭ uciačy z Rasii va Ukrainu, adnak supracoŭniki rasijskich śpiecsłužbaŭ spynili jaho niedaloka ad miažy ź Biełaruśsiu.
Rasijski ambudsmen Maryja Lvova-Białova śćviardžała, što adbyłasia pravakacyja i što Jarmochina «sprabavali vyciahnuć na terytoryju Ukrainy z dapamohaj manipulacyj i pahroz».
U listapadzie stała viadoma, što Jarmochina vyklikajuć u padmaskoŭny vajenkamat u śniežni 2023 hoda, kali jamu spoŭnicca 18 hadoŭ.
Padletak zapisaŭ zvarot da prezidenta Ukrainy Uładzimira Zialenskaha z prośbaj dapamahčy jamu viarnucca va Ukrainu.
Paśla hetaha Lvova-Białova zajaviła, što viartańnie Jarmochina va Ukrainu ŭzhodniena.
Ciapier padletak znachodzicca ŭ Biełarusi.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary