Jamu było 35.
Trahična zahinuŭ eks-frystajlist zbornaj Biełarusi Maksim Huścik, piša Priessboł.
Pavodle infarmacyi Trybuny, Huścika źbiŭ unačy na praśpiekcie Puškina aŭtamabil, pra što paviedamłasia z ranicy ŭ zvodcy DAI.
Pra avaryju ŭ telehram-kanale DAI paviedamlałasia nastupnaje:
«Siońnia prykładna ŭ 1.30 33-hadovy kiroŭca «Škoda», ruchajučysia pa praśpiekcie Puškina ŭ napramku vulicy Matusieviča, najechaŭ na piešachoda, jaki znachodziŭsia na prajeznaj častcy. Ad atrymanych traŭm 35-hadovy mužčyna pamior na miescy zdareńnia».
Varta zaznačyć, što na tym pierakryžavańni niama naziemnych piešachodnych pierachodaŭ.
***
Maksim Huścik naradziŭsia 1 maja 1988 hoda ŭ Minsku.
U 2006 i 2007 hodzie vyjhravaŭ moładzievyja čempijanaty śvietu. Debiutavaŭ na Kubku śvietu 1 sakavika 2008 hoda ŭ Maskvie, dzie zaniaŭ 10-je miesca, nabraŭšy takim čynam i pieršyja bały ŭ karjery.
U 2011 hodzie debiutavaŭ na čempijanacie śvietu, jaki prachodziŭ u amierykanskim Dzir-Veli, dzie zaniaŭ 11-je miesca ŭ łyžnaj akrabatycy. Praz hod, u lutym 2012 hoda ŭ aŭstryjskim Krajšbierhu ŭpieršyniu trapiŭ na kubkavy podyum, staŭšy druhim.
1 lutaha 2013 hoda atrymaŭ pieršuju ŭ karjery pieramohu na Kubku śvietu, vyjhraŭšy spabornictvy va ŭsio tym ža Dzir-Veli.
Akramia hetaha, jašče raz padymaŭsia na podyum — va ŭkrainskim Bukavieli jon zamknuŭ trojku lepšych. Na čempijanacie śvietu ŭ Narviehii Huścik pakazaŭ 15-y vynik.
Na Alimpijadzie-2018 nie zdoleŭ prabicca ŭ finał.
Paśla zakančeńnia karjery pracavaŭ staršym trenieram pa frystajle.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary