«Chryścijanskaja vizija» patrabuje vyzvalić ankachvoraha palitviaźnia Paŭła Kučynskaha
Katalicki viernik z Maładziečna, jaki pakutuje na surjoznaje ankałahičnaje zachvorvańnie, adbyvaje termin i pry hetym pazbaŭleny dostupu da žyćciova važnaj miedycynskaj dapamohi.
«Chryścijanskaja vizija» vystupiła z patrabavańniem nieadkładnaha vyzvaleńnia palitviaźnia Paŭła Kučynskaha ŭ suviazi ź nieabchodnaściu atrymańnia im žyćciova važnaha lačeńnia.
Inicyjatyva padrychtavała zajavu ŭ suviazi z tym, što katalicki viernik z Maładziečna, jaki pakutuje na surjoznaje ankałahičnaje zachvorvańnie, adbyvaje termin i pry hetym pazbaŭleny dostupu da žyćciova važnaj miedycynskaj dapamohi.
Jany źviarnulisia:
- u kryminalna-vykanaŭčy orhan, u jurysdykcyi jakoha znachodzicca Pavieł;
- da ŭładaŭ u Biełarusi;
- da Kanfierencyi katalickich biskupaŭ Biełarusi;
- da pradstaŭnika Vatykana ŭ Biełarusi — Apostalskaha nuncyja arcybiskupa Ante Joziča.
U ankachvoraha palitviaźnia Paŭła Kučynskaha prahresuje chvaroba. Jon prachodzić kursy chimijaterapii ŭ turemnaj lakarni
Paŭła Kučynskaha zatrymali 26 studzienia 2022 hoda.
Jamu vystavili abvinavačvańni:
- art. 364 Kryminalnaha kodeksa — Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ
- art. 369 — Abraza pradstaŭnika ŭłady
- art. 368 — Abraza Łukašenki
- art. 391 — Abraza sudździ
- art. 389 — Pahroza ŭ dačynieńni da sudździ
U vyniku jaho asudzili na čatyry hady i dzieviać miesiacaŭ u kałonii va ŭmovach uzmocnienaha režymu.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany8
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary