«Хрысціянская візія» патрабуе вызваліць анкахворага палітвязня Паўла Кучынскага
Каталіцкі вернік з Маладзечна, які пакутуе на сур'ёзнае анкалагічнае захворванне, адбывае тэрмін і пры гэтым пазбаўлены доступу да жыццёва важнай медыцынскай дапамогі.
«Хрысціянская візія» выступіла з патрабаваннем неадкладнага вызвалення палітвязня Паўла Кучынскага ў сувязі з неабходнасцю атрымання ім жыццёва важнага лячэння.
Ініцыятыва падрыхтавала заяву ў сувязі з тым, што каталіцкі вернік з Маладзечна, які пакутуе на сур'ёзнае анкалагічнае захворванне, адбывае тэрмін і пры гэтым пазбаўлены доступу да жыццёва важнай медыцынскай дапамогі.
Яны звярнуліся:
- у крымінальна-выканаўчы орган, у юрысдыкцыі якога знаходзіцца Павел;
- да ўладаў у Беларусі;
- да Канферэнцыі каталіцкіх біскупаў Беларусі;
- да прадстаўніка Ватыкана ў Беларусі — Апостальскага нунцыя арцыбіскупа Антэ Ёзіча.
У анкахворага палітвязня Паўла Кучынскага прагрэсуе хвароба. Ён праходзіць курсы хіміятэрапіі ў турэмнай лякарні
Паўла Кучынскага затрымалі 26 студзеня 2022 года.
Яму выставілі абвінавачванні:
- арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
- арт. 369 — Абраза прадстаўніка ўлады
- арт. 368 — Абраза Лукашэнкі
- арт. 391 — Абраза суддзі
- арт. 389 — Пагроза ў дачыненні да суддзі
У выніку яго асудзілі на чатыры гады і дзевяць месяцаў у калоніі ва ўмовах узмоцненага рэжыму.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары