Śmierć Mećju Pery: sudmiedekśpiertyza pryjšła da vysnovy, što hałoŭnuju rolu adyhraŭ kietamin
Inšymi spadarožnymi pryčynami śmierci 54-hadovaha Pery byli nazvanyja išemičnaja chvaroba serca i ŭździejańnie buprenarfinu.
Śmierć akciora Mećju Pery adbyłasia ŭ vyniku niaščasnaha vypadku, vyklikanaha «vostrym uździejańniem kietaminu», paviedamili miedycynskija ekśpierty ŭ Łos-Andželesie, piša Bi-bi-si.
Pery znajšli biez prytomnaści ŭ basiejnie ŭ jaho domie ŭ Łos-Andželesie 28 kastryčnika. Miedrabotniki kanstatavali jaho śmierć, kali prybyli na miesca zdareńnia.
Nastupnaje anatamiravańnie tady nie dało dakładnych vynikaŭ.
Utapleńnie było ŭkazana jak faktar, jaki spryjaŭ jaho śmierci: jon straciŭ prytomnaść, što imavierna paciahnuła za saboj «apuskańnie ŭ basiejn», skazana ŭ zaklučeńni sudovaj ekśpiertyzy.
Inšymi spadarožnymi pryčynami śmierci 54-hadovaha Pery byli nazvanyja išemičnaja chvaroba serca i ŭździejańnie buprenarfinu, jaki vykarystoŭvajecca dla lačeńnia razładaŭ, źviazanych z užyvańniem apioidaŭ, havorycca ŭ zajavie sudmiedekśpierta akruhi Łos-Andželes.
Paśla vykryćcia vyśvietliłasia, što nieabchodnaja dadatkovaja sudmiedekśpiertyza.
U pačatku listapada akciora pachavali ŭ Łos-Andželesie; na cyrymoniju było zaprošana tolki vuzkaje koła haściej.
Pery byŭ najbolš viadomy pa roli daścipnaha Čendlera Binha ŭ papularnym sieryjale «Siabry».
Na piku svajoj słavy Pery zmahaŭsia z zaležnaściu ad abiazbolvalnych lekaŭ i ałkaholu i nieadnarazova lačyŭsia ŭ reabilitacyjnych klinikach.
U 2016 hodzie jon raspavioŭ, što nie moža ŭspomnić try hady zdymak sieryjała «Siabry» z-za ałkaholu i narkotykaŭ.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary