«Nie zaŭždy». Śpiavak Vinsent prezientavaŭ kranalnuju pieśniu pra viartańnie dadomu
Biełaruski śpiavak Vinsent vydaŭ novy sinhł i klip na pieśniu «Nie zaŭždy». Heta kranalnaja pieśnia pra viartańnie dadomu. U klipie źnialisia zornyja kupałaŭcy Zoja Biełachvościk, Aleh Harbuz, Valancina Harcujeva.
Vinsent adznačaje, što dla jaho heta vielmi asabistaja historyja:
«Kožny čałaviek pavinien mieć dom. Svoj kutok na ziamli, dzie jon pačuvajecca doma. Chaču pažadać biełarusam, kab jany zmahli jak najchutčej pabačyć svaich rodnych i blizkich. A tym, chto maje takuju mahčymaść, kab canili toje, što majuć.
Kaliści mnie babula raskazała prytču pra toje, što ciomnyja časy zaŭsiody minajuć, i ja vieru ŭ heta, što ŭsio naładzicca».
Aktorka Zoja Biełachvościk kaža, što pieśnia kranuła jaje serca:
«Mnie adrazu spadabałasia pieśnia, tamu ja z zadavalnieńniem pahadziłasia ŭziać udzieł u klipie. Scenar vielmi aryhinalny, i sustreča na zdymačnaj placoŭcy ź biełarusami, jakich viedaješ, ź jakimi pracavała, stvaryła ciopłuju, rodnuju atmaśfieru!
Jak byccam my apynulisia na vostravie Biełaruś. Spadziajusia, kaliści tak i budzie, my vierniemsia ŭ Dom, a dom — heta spakoj, upeŭnienaść i radaść!»
Pieśnia dastupnaja na ŭsich ličbavych placoŭkach.
Čytajcie taksama:
Bašłykievič zapisaŭ haračuju afišu da kancerta. Na muzyku — tolki abutak i hitara VIDEA
-
Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav
-
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
-
Chodzić lehienda, što Ozi Osbarn adkusiŭ hałavu žyvomu kažanu. A što ž adbyłosia nasamreč?
Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach9
Kamientary