Kiraŭnica Jeŭraparłamienta sustrełasia ź Cichanoŭskaj i pradstaŭnikami palitviaźniaŭ
Staršynia Jeŭraparłamienta Rabierta Mietsoła sustrełasia ŭ Vilni sa Śviatłanaj Cichanoŭskaj, a taksama z byłymi palitviaźniami i ich svajakami. Padčas hetych sustreč jana vykazała padtrymku biełarusam, jakija praciahvajuć zmahacca za svabodu.
Cichanoŭskaja zaklikała Rabiertu Mietsołu padtrymać ideju stvareńnia mižnarodnaha fondu padtrymki siemjam palitviaźniaŭ i reabilitacyi tych, chto vyjšaŭ z turmaŭ.
Taksama jana pieradała joj prapanovu, kab pryniać asobny sankcyjny pakiet suprać asob, datyčnych da represijaŭ, a taksama suprać pradpryjemstvaŭ, jakija vykarystoŭvajuć prymusovuju pracu viaźniaŭ.
Rabierta Mietsoła zaprasiła Cichanoŭskuju ŭziać udzieł u samicie Jeŭrapiejskaj narodnaj partyi, jaki projdzie ŭ sakaviku ŭ Buchareście, kab zrabić Biełaruś adnoj z temaŭ padčas vybarčaj kampanii ŭ Jeŭraparłamient.
U druhoj častcy sustrečy adbyłasia razmova Rabierty Mietsoły sa svajakami palitviaźniaŭ i byłymi palitźniavolenymi, jakija ŭžo adbyli svoj termin, u tym liku Andrejem Šarendam, Alenaj Łyskovič, Anatolem Chinievičam. Udzieł u sustrečy taksama brała pradstaŭnica fondu «Kraina dla žyćcia» Volha Zazulinskaja. Udzielniki sustrečy padzialilisia svaimi historyjami i zaklikali kiraŭnicu Jeŭraparłamienta źviarnuć uvahu na situacyju z palitviaźniami, ich siemjami, prykłaści namahańni pa vyzvaleńni palitviaźniaŭ.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary