Pucin prakamientavaŭ mahčymyja pieramovy z Ukrainaj i zajaviŭ, što Rasija nie źbirajecca admaŭlacca ad zavajoŭ
Prezident Rasii Uładzimir Pucin prakamientavaŭ mahčymyja pieramovy z Ukrainaj, zajaviŭ, što Rasija nie admovicca ad taho, što ŭžo było zavajavanaje, i pryhraziŭ Ukrainie strataj suvierenitetu.
«Što tyčycca pieramoŭnaha pracesu… heta sproba zaachvocić nas admovicca ad tych zavajoŭ, jakija my realizavali za apošnija paŭtara hoda. Ale heta niemahčyma. Usie razumiejuć, što heta niemahčyma», — zajaviŭ Pucin na sustrečy z kiraŭnikami municypalitetaŭ.
Taksama rasijski prezident znoŭ abvinavaciŭ eks-premjera Vialikabrytanii Borysa Džonsana ŭ zryvie pieramovaŭ viasnoj 2022 hoda.
«Publična skazali, u tym liku kiraŭnik hetaj samaj pieramoŭnaj hrupy [ad Ukrainy David Arachamija]. Skazaŭ: «Tak, my byli hatovyja, my heta stracili, bo pryjechaŭ tahačasny premjer-ministr Vialikabrytanii spadar Džonsan i ŭhavaryŭ nas nie realizoŭvać hetyja damoŭlenaści». Nu prydurki, nie? I prama skazaŭ: «Kali b my pajšli na heta, usio daŭno było b skončana, paŭtara hoda tamu». Heta lišni raz padkreślivaje, što jany nie samastojnyja ludzi», — skazaŭ Pucin (sam Džonsan nazyvaŭ «poŭnaj łuchtoj i rasijskaj prapahandaj», što jon sarvaŭ mirnyja pieramovy — NN).
Taksama Pucin zajaviŭ, što ŭkrainski kontrnastup całkam pravaliŭsia.
«Kali tak budzie dalej praciahvacca, ukrainskaj dziaržaŭnaści moža być naniesieny vielmi surjozny ŭdar», — dadaŭ jon.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary