Za biełarusa Juškieviča, jakoha chočuć departavać z Polščy, zastupiŭsia miascovy vajavoda
Vajavoda Kujaŭska-Pamorski Michał Štybiel źviarnuŭsia ŭ adkaznyja za heta ŭstanovy z prośbaj prypynić departacyju z Polščy biełaruskaha hramadzianina Paŭła Juškieviča, paviedamlaje Polskie Radio PiK.
Na dumku čynoŭnika, varta pačakać razhladu skarhi mužčyny ŭ vajavodskim administracyjnym sudzie.
«Spadar Juškievič padaŭ načalniku Upraŭleńnia pa spravach inšaziemcaŭ apielacyju na rašeńnie ab anulavańni jaho dazvołu na pastajannaje pražyvańnie, vydadzienaje jašče vajavodam Mikałajem Bahdanovičam, — paviedamiła žurnalistam pres-sakratar Štybiela Natalla Ščarbińska. — Adnak rašeńnie było pakinuta ŭ sile, i 1 śniežnia 2023 hoda spadar Juškievič abskardziŭ hetaje rašeńnie ŭ vajavodskim administracyjnym sudzie. Ciapier sprava razhladajecca ŭ sudzie».
17 studzienia akademičnaja supolnaść Univiersiteta Mikałaja Kapiernika ŭ Toruni, dzie pracuje Juškievič, praviała akcyju salidarnaści sa svaim kaleham, a potym pieradała infarmacyju pra situacyju vajavodzie. Jašče adna akcyja adbudziecca 21 studzienia ŭ Bydhaščy — administracyjnym centry Kujaŭska-Pamorskaha vajavodstva.
Biełarus Pavieł Juškievič, jaki rodam ź vioski Vasiliški na Ščučynščynie, pražyŭ u Polščy 20 hadoŭ, 11 ź jakich zmahajecca za mahčymaść žyć u krainie.
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary