U vučeńniach Steadfast Defender, jakija praciahnucca da kanca maja, buduć zadziejničanyja kala 90 000 čałaviek. Apošnija takija vučeńni NATO praviało ŭ 1988 hodzie.
Paŭnočnaatłantyčny aljans pačynaje ŭ paniadziełak najbujniejšyja za apošnija dziesiacihodździ čatyrochmiesiačnyja vučeńni Steadfast Defender 2024 («Ustojlivy abaronca»), jakija simulujuć kanflikt z «praktyčna roŭnym praciŭnikam», paviedamlaje Deutsche Welle.
U vučeńniach buduć zadziejničany kala 90 000 čałaviek. U ich voźmuć udzieł usie krainy NATA i kandydat na ŭstupleńnie ŭ aljans — Šviecyja.
Manieŭry, jakija praciahnucca da kanca maja, achopiać jeŭrapiejskuju terytoryju ad Narviehii da Rumynii. Scenar manieŭraŭ Steadfast Defender — napad Rasii na terytoryju sajuźnikaŭ, jaki pryvodzić u dziejańnie artykuł 5 damovy NATO ab kalektyŭnaj abaronie.
Da hetaha času samymi bujnymi manieŭrami apošnich dziesiacihodździaŭ ličylisia Trident Juncture («Adziny tryzub»), u jakich u 2018 hodzie ŭziali ŭdzieł bolš za 50 tysiač vajskoŭcaŭ.
Apošnija paraŭnalnyja vučeńni NATA praviało ŭ 1988 hodzie, zadziejničaŭšy ŭ ich bolš za 125 tysiač sałdat.
Maštabnyja vučeńni — heta demanstracyja novaj hatoŭnaści NATA
U Steadfast Defender 2024 taksama voźmuć udzieł bolš za 50 karabloŭ, ad avijanoscaŭ da eśmincaŭ, a taksama bolš za 80 źniščalnikaŭ, viertalotaŭ i bieśpiłotnikaŭ i nie mienš za 1,1 tys. bajavych mašyn, uklučajučy 133 tanki i 533 bajavyja mašyny piachoty.
Jak zajaviŭ hałoŭnakamandujučy Abjadnanymi ŭzbrojenymi siłami aljansu ŭ Jeŭropie Krystafier Kavoli, vučeńni pakažuć, što NATO moža pravodzić i padtrymlivać składanyja apieracyi na sušy, mory, u pavietry, kibierprastory i kosmasie «na praciahu niekalkich miesiacaŭ, na praciahu tysiač kiłamietraŭ, ad Krajniaj Poŭnačy da Centralnaj i Uschodniaj Jeŭropy i ŭ lubych umovach».
Sa słoŭ kiraŭnika vajskovaha kamiteta NATO Roba Baŭera, taki maštab vučeńniaŭ — heta demanstracyja novaj hatoŭnaści aljansu.
«Heta rekordnaja kolkaść vojskaŭ, jakuju my možam zadziejničać i pravieści vučeńni ŭ takich maštabach, pa ŭsim aljansie, praz akijan, ad ZŠA da Jeŭropy», — skazaŭ jon.
Akramia taho, kiraŭnik vajskovaha kamiteta padkreśliŭ, što vajna — sprava nie tolki vajskoŭcaŭ: «Kali sprava dachodzić da vajny, jak my bačym va Ukrainie, — heta zakranaje ŭsio hramadstva».
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan3
Kamientary
Škada prostych hramadzian, jakich jany ŭziali ŭ załožniki.