Pa vulicach Homiela bolš za sotniu čałaviek prajšli demanstracyjaj. Chto taki śmieły?
U siecivie źjavilisia śviežyja fota i videa z demanstracyi, jakaja šumna idzie vulicami Homiela. Pry ciapierašnim uzroŭni strachu heta vyhladaje nievierahodnym, dy i raniej było nie tak prosta sabie ŭjavić. Śmiełaść hetych ludziej, adnak, tłumačycca prosta — jany pryjezdžyja i niedaśviedčanyja ŭ miascovych realijach.
Demanstracyju praviali fanaty handbolnaha kłuba «Zienit» z Sankt-Pieciarburha.
Učora «Zienit» pravioŭ vyjazny matč u ramkach SEHA-Lihi ź miascovym kłubam «Homiel», u jakim pieramoh ź likam 36:28.
Pavodle infarmacyi fanackich supołak, u Homiel pryjechali z Sankt-Pieciarburha «dva aŭtobusy i 80 čałaviek svaim chodam». Mienavita jany pierad matčam i zładzili šeście.
Jak vyhladaje, homielskaja milicyja rasijskim fanatam asabliva nie pieraškadžała, choć paśla ŭ fanackim kanale źjaviłasia paviedamleńnie:
«Na vyjeździe ŭ Homiel niekalki chłopcaŭ trapili pa 100% fanackaj tematycy pad uvahu orhanaŭ. Vychad ź situacyi zapatrabavaŭ niemałych finansavych vydatkaŭ».
Padrabiaznaściaŭ adnosna hetaha pakul niama.
Kamientary
Po zavietam Piervoho!