Błohier pakazaŭ, dzie možna kupić mandaryny pa 2,5 rubla za kiłahram
Hranat — pa 2 rubli, pamidory i tureckija mandaryny — pa 2,5 rubla, a bałharski pierac — pa 3 rubli. Tyktok-błohier «Biełaruski tata» pakazaŭ, dzie ŭ lutym u Biełarusi možna znajści takija nizkija ceny na sadavinu i harodninu, zaŭvažyŭ Telegraf.news.
Dniami błohier padzialiŭsia videa «raspakavańnia čeka» z rynku na 15 rubloŭ, na jaki, pavodle jaho słoŭ, jamu ŭdałosia kupić 600 hram śviežaj zialonaj cybuli, kačan sałaty «Ajśbierh» na paŭkiło i 6,8 kh pamidoraŭ.
Mužčyna taksama padzialiŭsia videa cenaŭ na inšuju sadavinu i harodninu — u razy nižejšych za tyja, jakija ŭ lutym možna ŭbačyć u bolšaści biełaruskich kramaŭ:
- hranat — 2 rubli,
- klemianciny — 2,5 rubla,
- karalok šakaładny — 2,5 rubla,
- apielsin — 3,3 rubla,
- vinahrad «kiš-miš» — 4,2 rubla,
- pamidory — 2-2,5 rubla,
- bałharski pierac — 3 rubli,
- časnok — 5 rubloŭ,
- zialonaja cybula — 4 rubli,
- sałata «Ajśbierh» — 5,5 rubla,
- radyska — 4,5 rubla,
- krop, piatruška — 1 rubiel,
- kinza — 6,5 rubla,
- šampińjony — 7 rubloŭ.
«Nie vieru!», — zajavili hledačy ŭ kamientarach, vykazaŭšy zdahadku, što na videa — «letnija ceny». Adnak inšyja padpisčyki paćvierdzili, što ŭ minułyja vychodnyja «jašče tańniej było ŭsio».
Jak śćviardžaje aŭtar videa, takija nizkija ceny ciapier — na aptovym rynku «Novy Lebiadziny» ŭ vioscy Tabary pad Minskam. Adpaviedna, za takuju canu ŭziać možna tolki vialikija abjomy harodniny i sadaviny, jak praviła, ich pradajuć skryniami.
U inšym videa «Biełaruski tata» pakazaŭ dla paraŭnańnia roźničnyja ceny na pradukcyju ŭ «pierakupaŭ z Tabaraŭ» na adnym z rynkaŭ. Tam kiłahram mandarynaŭ prapanujuć užo pa 7-8 rubloŭ, što značna bližej da «kramnych» realij.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary