Pucin praz pasiarednikaŭ prapanoŭvaŭ ZŠA zamarozić kanflikt pry ŭmovie, što zachoplenyja terytoryi zastanucca Rasii — Reuters
Prezident Rasii Uładzimir Pucin pasyłaŭ ZŠA sihnały ab tym, što hatovy razhledzieć pytańnie spynieńnia ahniu va Ukrainie, adnak u Vašynhtonie adkinuli ich, nie žadajučy vieści pieramovy ŭ abychod Kijeva. Pra heta paviedamlaje ahienctva Reuters sa spasyłkaj na try rasijskija krynicy, znajomyja z chodam abmierkavańniaŭ.
Pavodle źviestak krynic ahienctva, Pucin u 2023 hodzie daŭ zrazumieć svaju pazicyju publična, a taksama pieradaŭ jaje ŭ pryvatnym paradku praz pasiarednikaŭ — u tym liku praz arabskich partnioraŭ Maskvy na Blizkim Uschodzie.
Prezident Rasii prapanoŭvaŭ zamarozić kanflikt pry ŭmovie, što rasijskija vojski zastanucca na zaniatych imi ŭkrainskich terytoryjach.
Jak raskazali surazmoŭcy ahienctva, sihnały Pucina byli pieradadzienyja ŭ Vašynhton i abmiarkoŭvalisia na sustrečy vyšejšych aficyjnych asob, uklučajučy daradcu Biełaha doma pa nacyjanalnaj biaśpiecy Džejka Salivana, dyrektara CRU Biła Biornsa i dziaržsakratara ZŠA Entani Blinkiena.
U vyniku, raskazała adna z krynic Reuters, u studzieni 2024 hoda Salivan patelefanavaŭ daradcu Pucina Juryju Ušakovu i skazaŭ jamu, što ZŠA nie buduć abmiarkoŭvać spynieńnie ahniu biez udziełu samoj Ukrainy.
Ciapier, adznačajuć surazmoŭcy ahienctva, Kreml nie bačyć sensu ŭ dalejšych kantaktach z ZŠA ŭ hetym pytańni, tamu vajna budzie praciahvacca.
«My nie možam sabie dazvolić «miasnych šturmaŭ» — Alaksandr Syrski
Jeŭropie treba dziesiać hadoŭ, kab całkam padrychtavacca da abarony — kiraŭnik Rheinmetal
Estonija ŭsurjoz i pradumana rychtujecca abaraniacca ad Rasii
«Zvalnieńnie Załužnaha aznačaje novy etap u vajnie, Zialenski ryzykuje pamylicca» — The Economist
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary