Za 2023 hod MARH aštrafavała subjekty handlu na 800 tysiač rubloŭ
Letaś pa vynikach pravierak da administracyjnaj adkaznaści pryciahnuta bolš za 400 subjektaŭ.
Suma štrafaŭ pieravysiła 800 tysiač rubloŭ, u pres-centry Doma presy raspavioŭ pieršy namieśnik ministra antymanapolnaha rehulavańnia i handlu Biełarusi Ivan Viežnaviec, piša Office Life.
Ivan Viežnaviec adznačyŭ, što viedamstva nie bačyć jakich-niebudź hłabalnych pieradumoŭ da źmieny sistemy cenavaha rehulavańnia. Nie idzie ciapier razmova i pra jaje niejkuju kardynalnuju pierabudovu. Pry hetym jon nie vyklučyŭ, što ŭ 2024 hodzie mahčymyja «peŭnyja kropkavyja karekciroŭki».
Jon taksama padkreśliŭ, što ŭ 2022 hodzie, kali sistemu rehulavańnia cen tolki zapuskali, usiaho za miesiac u MARH pastupiła zvyš 9 tysiač zvarotaŭ. Zaraz ža, pa jahonych słoŭ, «takoha škvału pytańniaŭ užo niama». Ivan Viežnaviec patłumačyŭ heta tym, što biznes razumieje, jak pracavać u novych umovach.
Rehulavańnie cen u Biełarusi zapracavała vosieńniu 2022-ha pastanovaj Saŭmina № 713. Dakumient uvioŭ dziaržrehulavańnie cen na spažyvieckija tavary, jakija impartujucca i realizujucca na rynku krainy. U kancy 2023 hoda paśla narady ŭ Alaksandra Łukašenki ŭrad unios čarhovyja papraŭki ŭ pastanovu № 713 i abviaściŭ ab uviadzieńni z 2024 hoda paviedamlalnaha paradku ŭstanaŭleńnia cen na novyja tavary.
Kamientary