Sotni tysiač bačyli ŭ tyktoku, jak biełarus z dapamohaj kachanaj adnaŭlajecca paśla strašnaj avaryi. Voś što ź im ciapier

Avaryja, u jakuju trapiŭ Uład, zdaryłasia 1 kastryčnika 2023 hoda, i padčas jaje chłopiec, siarod inšych paškodžańniaŭ, atrymaŭ ciažkuju čerapna-mazhavuju traŭmu. Miedyki sumniavalisia, ci vyžyvie chłopiec, i pužali: kali i vyžyvie, to, chutčej za ŭsio, nie zmoža havaryć, ruchacca i razumieć rečaisnaść.

Ź pieršych dzion chłopca padtrymlivała Nija, jaho dziaŭčyna rodam z Emirataŭ. Nija — paśpiachovaja błohierka, jaje jutub-kanał maje 663 tysiačy padpisčykaŭ. U śniežni dziaŭčyna pačała publikavać tyktoki pra adnaŭleńnie Ułada. Ciapier u akaŭnta pary bolš za 156 tysiač padpisčykaŭ.

Z taho času prajšło amal try miesiacy. U pieršych rolikach bačna, jak Uład nanava vučyŭsia samastojna apranacca, siadzieć, jeści i havaryć. Na toj čas chłopiec, zaŭvažna schudnieły paśla komy i doŭhaha času ŭ špitali, karystaŭsia invalidnym vazkom, ale ŭžo tady było jasna — pra žyćcio «harodniny», jakoje ličyli vierahodnym jaho daktary, havorki bolš nie idzie.

Ciapier Uład šmat u čym navučyŭsia kłapacicca pra siabie, u tym liku jon zdolny hatavać ježu, myć posud i pyłasosić. Ale hałoŭnaje — chłopiec ustaŭ na nohi, i chacia jon zaŭvažna kulhaje, ale ŭsio ž taki chodzić sam.

@nashaniva Biełarusu paśla avaryi dapamahaje adnavicca jaho kachanaja #biełaruś #biełaruśnovosti #novostibiełarusi #našaniva #vosstanovlenije #kachańnie #miedicina ♬ Majo kachańnie - Lavon Volski

Akramia kulhavaści, jość i inšyja nastupstvy chvaroby: Uład maje prablemy z pamiaćciu, uvahaj, maŭleńniem i kantrolem emocyj, jamu ciažka vykazvać svaje dumki, chłopiec chutka stamlajecca.

Pavialičyć

Niekalki dzion tamu Uład viarnuŭsia z čarhovaj reabilitacyi ŭ balnicy ŭ Aksakaŭščynie. Rodnyja zładzili da jaho śviata ź jaho lubimymi stravami i płakatami: «Uład i Nija, vy małajcy», «Uład! Ty vyjhraŭ hetaje žyćcio». U admysłovym tyktoku bačna, što chłopiec navat zdoleŭ trochi patancavać ź Nijaj i adnoj sa svajačak.

@avlasenko.vn #čmt #pośledtp #čieriepnomozhovajatravma #vładinija #rieabilitacija #vładavłasienko #dtp2023 #dtpavarii #biełaruś ♬ original sound - A

Hledačy zachaplajucca ŭ kamientarach Uładam, Nijaj i siłaj ich kachańnia. Ale ž jość i chejtery — adzin ź ich sumniavaŭsia ŭ ščyraści Nii, jakaja nie kinuła ciažka chvoraha chłopca: maŭlaŭ, abo jon bahaty, abo heta ŭsio robicca dla kantentu. Na takuju pretenziju Nija adkazvaje tak:

«Kali my čytajem takija kamientary, nam robicca sapraŭdy škada takich ludziej. Viedać, što jany nikoli nie kachali i nie byli kachanymi, viedać, što nikoli b dla ich nie zrabili taho ž… Prosta sumna, što jany prajecyrujuć niehatyŭ na inšych, bo dla ich nastolki nievierahodna, što čałaviek moža prajści praź piekła z-za kachańnia. 

Pavialičyć

Kali žančyna kłapocicca pra kachanaha čałavieka padčas chvaroby, heta z-za hrošaŭ, a kali žančyna nie kłapocicca, heta tamu što jana drennaja žančyna. My nikoli nie zdolejem mieć racyju ŭ hetym śviecie z takimi ludźmi».

Čytajcie taksama:

Biełarus trapiŭ u strašnuju avaryju. Kachanaja dapamahaje jamu adnavicca — za ich historyjaj sočać tysiačy

Sacsietki achapiŭ «test apielsinavaj łupiny», jaki praviaraje adnosiny z partnioram na tryvałaść

Sa studentki ŭ Sieule ŭ mamu ŭ Minsku. Jak dziaŭčyna adna haduje dačku ad karejca

• 36
• 0
• 1
• 2
• 1
• 1
• 2
• 0