Nakolki efiektyŭna i biaśpiečna čyścić arhanizm limonnaj vadoj ci alejem, kali ich užyvać našča? Blizko.by spytaŭ hastraenterołaha Siarhieja Zahorskaha.
— Limon zjaŭlajecca papularnym cytrusam u kulinaryi, a taksama šyroka vykarystoŭvajecca dla ŭmacavańnia zdaroŭja. U limonie šmat vitaminu S, jaki nie tolki ŭmacoŭvaje achoŭnyja siły arhanizma, ale jašče i palapšaje zasvajeńnie žaleza. Akramia inšych vitaminaŭ i minierałaŭ (folijevaj kisłaty, žaleza, kaliju, vitaminaŭ hrupy V), u składzie limona prysutničajuć efirnyja masły, arhaničnyja kisłoty, u małych kolkaściach piekcin, fruktoza i inšyja arhaničnyja rečyvy.
Limon vałodaje imunaŭmacavalnym, supraćzapalenčym efiektam, akazvaje lohkaje žaŭciahonnaje i mačahonnaje dziejańnie, maje nizkaje ŭtrymańnie cukroŭ.
Adnak jaho ŭžyvańnie procipakazana pry alerhii da cytrusavych. Taksama varta z aściarožnaściu prymać limon i napoi ź jaho ludziam z tak zvanymi kisłotna-asacyjavanymi zachvorvańniami (hastrytam, jazvaj), pakolki vialikaja kolkaść arhaničnych kisłot moža spravakavać dadatkovaje razdražnieńnie ślizistaj.
Kali my ŭžyvajem tłuščy (i alej nie vyklučeńnie) na hałodny straŭnik, adbyvajecca najmacniejšy ŭdar pa padstraŭnikavaj i žoŭcievym puzyry za košt stymulacyi vykidu pankreatyčnaha soku i žoŭci, tamu škody ad takoha pryjomu bolš, čym karyści.
Asabliva niebiaśpiečnaja takaja stymulacyja pry najaŭnaści kamianioŭ u žoŭcievym puzyry, pakolki moža vyklikać ruch kamianioŭ z tokam žoŭci ŭ žoŭcievyja pratoki i vyklikać ich zakarkavanaje, što zjaŭlajecca ŭžo vielmi surjoznaj prablemaj, niaredka jakaja patrabuje ekstranaha chirurhičnaha ŭmiašańnia.
U toj ža čas nichto nie admaŭlaje karyść pry ŭklučeńni raślinnaha aleju ŭ ježu, asabliva sa śviežaj harodninaj.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj33
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary