«Hazony čystyja, brech nie razdražniaje». U Minsku vyhulvali sabaku-robata
Biełarus vykłaŭ u tyktok videa z čałaviekam, jaki vyhulvaŭ na dvary ŭ Minsku sabaku-robata. Videarolik ź niezvyčajnym hadavancam sabraŭ mnostva kamientaroŭ i vyklikaŭ nieadnaznačnuju reakcyju karystalnikaŭ, piša Telegraf.news.
Hadavaniec, jakoha vyhulvaje chłopiec — kitajski bijaničny robat-sabaka Unitree Go2. Heta davoli novaja madel robata-sabaki, jakuju pradstavili ŭ Kitai ŭ 2023 hodzie.
Hety robat moža padtrymlivać razmovu z čałaviekam dziakujučy ŭbudavanamu datčyku z čat-botam GPT. Jahony korpus vyrableny z vysokatryvałaha płastyka i aluminija, a vaha składaje kala 15 kh. Unitree Go2 moža raźvivać chutkaść da 12 km/h, pieraadolvać pieraškody i pakazvać akrabatyčnyja truki.
Na sajcie vytvorcy bazavuju madel «sabaki budučyni» možna nabyć za 1 600 dalaraŭ.
Watch on TikTok
Za try dni videa sa špacyram bijaničnaha robata-sabaki ŭ Minsku sabrała bolš za 100 tysiač prahladaŭ i amal 500 kamientaroŭ.
Pohlady karystalnikaŭ na rabatyzavanaha hadavanca padzialilisia. Niekatoryja kamientatary zaŭvažyli šmat plusaŭ u vałodańni takim sabakam.
«Heta vielmi prykolna, hazony čystyja, brech nie razdražniaje», — napisaŭ adzin z karystalnikaŭ sacsietki.
«Idealny sabačka, ekanomna i nie treba vyhulvać», — vykazaŭsia jašče adzin kamientatar pad videa.
«Dobraja alternatyva, kali chočaš sabaku, a ŭ ciabie na poŭść alerhija», — zaŭvažyŭ jašče adzin.
Mnohija karystalniki vykazalisia ŭ padtrymku žyvych sabak, a niekatorych technałahičny prahres navat spałochaŭ.
«Niama ničoha lepšaha na śviecie čym žyvy sabačka! Pačućci i addanaść, łaska i luboŭ siabra i člena siamji!», — napisała adna ź dziaŭčat pad videa.
«Nie bačyła i nie chaču, lepšaha za žyvoha sabaku siabra niama»; «Žach, ja b pamierła, kali b ubačyła takoje» — napisali inšyja kamientatary.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary
navat humovaja žančyna patrabuje da siabie ŭvahu - jaje treba nadźmuvać. i hetamu sabaku patrabujecca pitańnie)