Stali viadomyja padrabiaznaści abvinavačańnia suprać zorki biełaruskaha «Što? Dzie? Kali?»
Na sudzie Fiodara Šviedava trymajuć u kajdankach.
U Hrodzienskim abłasnym sudzie 15 krasavika raspačaŭsia sud nad 48-hadovym Fiodaram Šviedavym. Jaho abvinavačvajuć pavodle art. 361-2 Kryminalnaha kodeksa (finansavańnie dziejnaści ekstremisckaha farmavańnia). Na sudzie jaho ŭtrymlivajuć u kajdankach, piša «Viasna».
U pieršy dzień suda BiełTA apublikavała fotazdymki i padrabiaznaści z sudovaha pracesu Šviedava.
Zhodna ź viersijaj abvinavačvańnia, Fiodar Šviedaŭ sa śniežnia 2020 hoda pa sakavik 2021 hoda, vykarystoŭvajučy aformleny ŭ AAT «ŚbierBank» na svajo imia raźlikovy rachunak i płaciežnuju kartu, a taksama mabilny telefon, ažyćciaviŭ pieravod hrašovych srodkaŭ na bankaŭskija rachunki pradstaŭnikoŭ «ekstremisckich farmavańniaŭ».
Spačatku jon pieraličyŭ inicyjatyvie «Sumlennyja ludzi», pryznanaj Kamitetam dziaržaŭnaj biaśpieki ekstremisckim farmavańniem, 52 rubli 88 kapiejek, što pa kursie AAT «Śbier Bank» na toj momant skłała 20 dalaraŭ, zatym «ekstremisckamu farmavańniu» Biełaruskaja Rada kultury — 26 rubloŭ 7 kapiejek (10 dalaraŭ u ekvivalencie), jašče 26 rubloŭ 20 kapiejek «BY_help».
Kali jaho zatrymali — dakładna nieviadoma, ale mužčyna ŭtrymlivajecca pad vartaj u turmie Hrodna.
Pačaŭsia sud nad zorkaj biełaruskaha «Što? Dzie? Kali?» Fiodaram Šviedavym. Jamu pahražaje da vaśmi hadoŭ kałonii
Pradprymalnik pajechaŭ u adpačynak. Pa viartańni jaho aryštavali za palityku, pahražaje da 15 hadoŭ
Biznesoŭcu z Maładziečna dali šeść hadoŭ kałonii za danaty Pałku Kalinoŭskaha i «Bajsołu»
Ciapier čytajuć
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?1
Kamientary