Kultura2929

Google błakuje Biełaruskuju Vikipiedyju. Jak tak stała i što zaraz budzie?

Redaktary svabodnaj encykłapiedyi zaŭvažyli, što pošukavik pavodzić siabie dziŭna. 

U sacsietkach vikipiedysty padzialilisia vostraj prablemaj: kali šukać praz Google pa-biełarusku, to trapić na artykuł u Biełaruskaj Vikipiedyi vielmi składana.

Jak adznačajuć redaktary, niaredka Google vydaje na biełaruskamoŭnyja zapyty najpierš artykuły pa-rusku, časam moža pa-polsku, pa-anhlijsku, navat pa-litoŭsku, ale tolki nie pa-biełarusku. Na karcinu mała ŭpłyvaje źmiena movy interfiejsu z ruskaj na biełaruskuju ci vykarystańnie VPN.

Zamiest Biełaruskaj Vikipiedyi Google prapanuje čytać jaje śmiećcievuju kopiju. Skrynšot

U jakaści prykładu pryvodzicca artykuł pra biełaruskaha architektara Ściapana Vałansieviča, jaki isnuje ŭžo bolš za hod. Artykuł nie maje anałahaŭ na inšych movach, a samo imia tvorca možna adnieści da «viernutych» — pa-biełarusku pra jaho da 2023 hoda nikoli nie pisali.

Zdavałasia b, majučy ŭnikalny kantent, artykuł u Biełaruskaj Vikipiedyi musić vydavacca pieršym pa kankretnym biełaruskim zapycie. Da taho ž viadoma, što Vikipiedyja vielmi chutka indeksujecca ŭsimi pošukavikami. 

Artykuł pra Vałansieviča dosyć padrabiazny i aformleny pa ŭsich praviłach Vikipiedyi, ale heta jamu nie dapamahaje. Skrynšot Vikipiedyi

Ale artykuł nie vydaje, jak adznačajuć vikipiedysty, ani pieršym, ani druhim, ani apošnim radkom u Google. Uviersie vydačy — śmiećcievy sajt, jaki kradzie źmieściva z artykułaŭ u Vikipiedyi. Atrymać patrebny artykuł ad Google nie ŭdałosia nijakimi chitraściami. U toj ža čas rasijski Jandeks vydaje jaho pieršym. 

«Heta ŭsio da pytańnia, čamu ŭ Biełaruskaj Vikipiedyi prahladaŭ ź Biełarusi ŭ rajonie statystyčnaj chiby. A vy pasprabujcie jašče trapić u jaje praz Huhł!» — aburajecca adzin ź vikipiedystaŭ. 

My paprasili prakamientavać prablemy z vydačaj biełaruskamoŭnaha kantentu inšych redaktaraŭ Vikipiedyi.

Budynak Hrodzienskaha realnaha vučylišča, sprajektavany Vałansievičam. Fota: photobuildings.com

«My daŭno sutyknulisia z hetaj prablemaj. Spačatku nam zdavałasia, što takaja vydača ŭ Huhle hruntujecca na tym, što Ruskaja Vikipiedyja, jakuju piša značna bolš aŭtaraŭ, prosta bolš jakasnaja i raspracavanaja, a tamu jaje vydaje pry pošuku pieršaj. Z časam situacyja źmianiłasia — pamier artykułaŭ pa peŭnych temach staŭ bolšym za pamier anałahičnych artykułaŭ, napisanych pa-rusku, a niekatoryja prosta nie majuć ruskaj viersii. Ale ŭ vydačy ničoha nie źmianiłasia na karyść našaj Vikipiedyi. 

Apošnim časam my supastavili svaje razroźnienyja nazirańni i pryjšli da vysnovy, što ałharytmy Huhła panižajuć biełaruskamoŭnuju viersiju ŭ vydačy. Vydača pracuje pamyłkova nie ŭ 100% vypadkach, umoŭnaha Kaściušku i Kalinoŭskaha vam vydaść, ale ŭ astatnich vypadkach prablema nastolki zaŭvažnaja i miescami absurdnaja, što jaje niemahčyma ihnaravać.

Treba, kab niechta razmaŭlaŭ z supracoŭnikami kampanii, tłumačyŭ asablivaść biełaruskaj moŭnaj situacyi, kab niejak źmianić situacyju. Ale sami vikipiedysty nie majuć niejkaj arhanizavanaj struktury dla hetaha», — prakamientavaŭ situacyju naš surazmoŭca.

Mahčyma jašče adnoj pryčynaj prablem ź Biełaruskaj Vikipiedyjaj stała ahulnaje paharšeńnie jakaści pošuku Google, jakoje adznačajuć ekśpierty. Pošukavik prajhraje vajnu śmiećcievym sajtam, takim, jak pirackija kopii Vikipiedyi, pakazvaje niajakasny kantent uviersie vydačy.

«Naša Niva» — bastyjon biełaruščyny

PADTRYMAĆ

Kamientary29

  • Žeka
    17.04.2024
    Spadziajusia, pry Trampie hety lavacki hnajnik (huhł) budzie źniščany.
  • Svabodny čałaviek
    17.04.2024
    što składanaha ŭ 2k24 prosta pačać huhłu narmalna pracavać?
  • Parada
    17.04.2024
    Karystajciesia narmalnymi sučasnymi pašukavikami: naprykład, bing.com, DuckDuckGo, yahoo.com.
    Znojdziecie našmat bolš infy, čym u huhle, jaki jašče i sočyć za vami, i zachoŭvaje infu pra vas.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dźmitryj Łukašenka źnik ź infarmacyjnaj prastory8

Dźmitryj Łukašenka źnik ź infarmacyjnaj prastory

Usie naviny →
Usie naviny

Siadzibu Miniejkaŭ na Astravieččynie nabyŭ vytvorca budaŭničych materyjałaŭ

Rasijski sud zavočna daŭ 14 hadoŭ kałonii piśmieńniku Akuninu1

«Jula — nie pra hrošy». Urad Ukrainy ŭznačalić žančyna

Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie6

Hubiernatary vystupajuć z zaklikami da biełarusaŭ nie lotać u Rasiju. Pres-słužby vinavaciać štučny intelekt8

Zatrymanuju ŭ Varšavie na zapyt Interpała biełarusku na radzimu nie ekstradujuć3

Cpraścili praviły rehistracyi ziamielnych učastkaŭ

Tramp: 17 sistem Patriot adpravim va Ukrainu21

ZŠA źbirajucca pieradać Kijevu kryłatyja rakiety JASSM2

bolš čytanych navin
bolš łajkanych navin

Dźmitryj Łukašenka źnik ź infarmacyjnaj prastory8

Dźmitryj Łukašenka źnik ź infarmacyjnaj prastory

Hałoŭnaje
Usie naviny →

Zaŭvaha:

 

 

 

 

Zakryć Paviedamić