Pa sacsietkach hulaje fota «aholenaj Śviatłany Cichanoŭskaj». Razabralisia, adkul pajšoŭ hety fejk
Chto z prapahandystaŭ ukinuŭ «pikantny» zdymak u infarmacyjnuju prastoru?
Apošnimi dniami fota «Cichanoŭskaj u kupalniku» stali vystaŭlać pamyjnyja prałukašenkaŭskija telehram-kanały. Zdymak padchapili fejsbuk-akaŭnty, pryśviečanyja krytycy Ofisa Śviatłany Cichanoŭskaj i inšych demakratyčnych strukturaŭ.
Jakaja krynica hetaha fota?
Kali skarystacca zvarotnym pošukam pa vyjavach, to vyśvietlicca, što fota hulaje pa roznych rasijskich resursach kala 15 hadoŭ pa zapytach nakštałt «dziaŭčyna na fonie dyvana».
Pieršaja viadomaja nam zhadka fota z podpisam pra Cichanoŭskuju — heta artykuł u «Minskaj praŭdzie», jaki napisała prapahandystka Dzijana Šybkoŭskaja. Lehienda artykuła takaja:
«Śviatłana Cichanoŭskaja była eskortnicaj i vyjšła zamuž za Siarhieja Cichanoŭskaha, jaki byŭ kryminalnikam i sutenioram». Z ulikam adsutnaści faktury ŭ artykule navina nahadvaje eratyčnyja fantazii samoj prapahandystki, a nie sprobu razabracca ŭ minułym siamji Cichanoŭskich.
Ci Śviatłana Cichanoŭskaja na fota?
Nie, heta nie Śviatłana Cichanoŭskaja. Paraŭnajcie fota maładoj Śviatłany i hetaj dziaŭčyny.
Heta ž paćviardžajuć i niejrasietki, jakija paraŭnoŭvajuć, nakolki padobnyja ludzi na fota.
A chto na fota?
Na fota žančyna z Maskvy. Jaje kličuć Halina i joj 40 hadoŭ. Raniej jana zajmałasia manikiuram, a ciapier vučyć pradavać na Wildberries. U Haliny muž i dzicia.
Takim čynam, fota — čarhovy fejk prapahandy.
«Naša Niva» — bastyjon biełaruščyny
PADTRYMAĆPrapahandysty prydumali fejk pra naziralnikaŭ na vybarach i «Viasnu» — i sami ž jaho vykryli
«My naŭmysna dadali šerah «paschałak». Fejkavy pašpart «Novaj Biełarusi» ad KDB prakamientavaŭ śpiecyjalist, jaki nad im pracuje
Pad vyhladam biełarusaŭ litoŭcam pahražajuć «viarnuć Vilniu» i «pryjści da žonki i dziaciej». Ale heta fejkavyja akaŭnty
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ5
Kamientary