«Čaho vy prypierlisia?» Dziaŭčyna paskardziłasia, što za fotasiesiju na biełaruskich ciulpanavych palach treba płacić
Dziaŭčyna apublikavała ŭ tyktoku videa, u jakim raskazała, jak źjeździła na ciulpanavyja pali ŭ Bresckaj vobłaści i ź jakimi ciažkaściami pry hetym sutyknułasia, zaŭvažyŭ Telegraf.news.
«Nasupierak usieahulnaj dumcy ŭ internecie, prosta pryjechać na pole pa kaardynatach nielha. Pa-pieršaje, dabiracca pa navihataru, pa vielmi sumniŭnych darohach. Nie kožnaja mašyna prajedzie», — raskazała ŭ pačatku rolika aŭtarka.
Dalej, ź jaje słoŭ, dziaŭčyna sutyknułasia z uładalnikam paloŭ, jaki «ŭ hrubaj formie patłumačyŭ, što heta pryvatnaja ŭłasnaść». «Čaho vy nachabna prypierlisia? Vy bahatyja, možacie zapłacić», — voś tak nam skazali. Nu, i my zapłacili», — praciahnuła jana.
Fotasiesija i videazdymka, adznačyła aŭtarka videa, abyšlisia hrupie ź dziesiaci čałaviek u 350 rubloŭ.
«Za hetyja hrošy vas adviazuć u patrebny kut pola, daduć tam pachadzić, pafotkacca i navat dazvolać uziać ciulpanaŭ z saboj», — raskazała biełaruska, pakinuŭšy ŭ apisańni da rolika kaardynaty dla znachodžańnia paloŭ pry ruchu pa navihatary: «Bresckaja vobłaść, 283 km ad Minska». Heta sialanskaja fiermierskaja haspadarka «Znachodka Paleśsia».
U kamientarach ludzi ŭ asnoŭnym adznačali, što ŭłaśnik na svaich palach maje prava brać za tyja ci inšyja pasłuhi hrošy va ŭstanoŭlenym im pamiery.
«Usio pravilna. Čałaviek, jaki ŭkłaŭ siły i hrošy, maje prava zarabić», — napisaŭ adzin juzer tyktoka.
«Pahuhlicie canu cybuliny ciulpana, plus praca, plus technika, plus uhnajeńnie i padrychtoŭka ziamli. Čamuści zaŭsiody ličacca tolki svaje vydatki», — adznačyŭ jašče adzin karystalnik.
«Padatak za ekskursiju, cikava, uładalnik paloŭ płacić?» — pacikaviłasia inšaja kamientatarka.
Inšyja ž paličyli, što cana za fotasiesiju i videazdymku zanadta vysokaja. «Za 350? Nu, vy dajacie, kali-niebudź užo lepš na łavandavaje pole», — napisaŭ juzer.
Paźniej u tyktoku źjaviłasia jašče adno videa, u jakim inšaja dziaŭčyna padzialiłasia svaim bačańniem situacyi.
«U nas čamuści ŭsie zanadta lubiać ličyć čužyja hrošy, kolki čałaviek zarabiŭ sa svajoj pracy. I nichto nikoli nie ŭličvaje, kolki tudy było ŭkładziena sił, času», — adznačyła aŭtarka rolika.
Pavodle jaje słoŭ, čałaviek, jaki ŭkłaŭ u spravu ŭłasnyja srodki, «maje poŭnaje prava stavić tuju canu, jakuju ličyć patrebnaj». «I ŭžo tym bolš jon maje prava patrabavać nie pryjazdžać na pryvatnuju ŭłasnaść, kab pafotkacca tam biaspłatna», — dadała dziaŭčyna.
Na Brestčynie skasili vialikaje pole kvitniejučych ciulpanaŭ. Navošta heta zrabili?
Pradprymalnik chacieŭ zarabić na kvietkach da 8 Sakavika, ale zastaŭsia vinny ŭ 5 razoŭ bolš
«Ja dahetul u śnie pradaju kvietki». Ci ŭdałosia vyjści ŭ plus vałožynskaj siamji, jakaja ŭkłałasia ŭ vyroščvańnie 7 tysiač ciulpanaŭ?
«My ź imi niańčylisia, jak ź dziećmi». Siamja z Vałožyna vyraściła ŭ siabie doma 7 tysiač ciulpanaŭ na prodaž
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary