U centry Minska pradajuć «stalinku» za $825 tysiač. Za što prosiać takija hrošy?
«Ekskluziŭnaja kvatera ŭ histaryčnym centry Minska», — tak nazyvajuć čatyrochpakajoŭku pa adrasie K. Marksa, 21.
Ahulnaja płošča čatyrochpakajovaj «stalinki» z palepšanaj płaniroŭkaj składaje 120 m². Raźmiaščajecca jana na druhim paviersie doma 1948 hoda pabudovy.
Stoli ŭ kvatery trochmiatrovyja. Jeść dva sanvuzły i čatyry prastornyja pakoi. Haścioŭnia maje 31 m², a samy maleńki pakoj — 17 m².
Kvatera pradajecca razam z meblaj i technikaj. Dyzajn vykanany ŭ kłasičnym styli biez asablivaj vyčurnaści, u kožnym pakoi staić kandycyjanier. U apisańni paznačana, što ŭ kvatery zrabili hłyboki ramont z zamienaj usich kamunikacyj.
U adnym z sanvuzłoŭ dušavaja kabina, uvachod u jaho idzie z kalidora. U druhi sanvuzieł možna trapić tolki praz spalny pakoj.
Tam staić vuhłavaja vanna z džakuzi. U pamiaškańni jość davoli vialikaje akno.
Niahledziačy na vysoki košt, niejkaj asablivaj raznastajnaści ŭ kvatery adšukać nie atrymajecca. Try z čatyroch žyłych pakojaŭ — zvyčajnyja spalni z dvuchspalnym łožkam.
Pradaŭcy kvatery siarod pieravah adznačajuć, što dom źjaŭlajecca pomnikam architekturna-kulturnaj spadčyny i maje zakryty dvor. Susiedziaŭ jany nazyvajuć intelihientnymi ludźmi z vysokim sacyjalnym statusam.
Atrymlivajecca, što kvadratny mietr u hetaj kvatery kaštuje 6829 dalaraŭ. Pry hetym siaredniaja cana pa Minsku — $1370 za mietr.
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda18
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary