Knyrovič jak biznes-anioł ukłaŭ u startapy sotni tysiač dalaraŭ. Nie streliŭ nivodzin
U novym vypusku TOKu biznesoviec Alaksandr Knyrovič raskazaŭ, ci zmoh zarabić na padtrymcy startapaŭ.
Biznesmiena Alaksandra Knyroviča za aktyŭnuju padtrymku startapaŭ raniej nazyvali «biznes-aniołam».
Jon zhadvaje:
«Pačatak startap-ruchu byŭ prykładna ŭ 2010-m hodzie. I tak zdaryłasia, što ja byŭ ź im pobač. Napeŭna, heta było niekalki sotniaŭ tysiač [dalaraŭ]. I jak zvyčajna ŭ biznesie, hetyja hrošy byli ci stračany. Ci ich možna nazvać płataj za adukacyju siabie i tych maładych biznesoŭcaŭ, jakija atrymali mahčymaść za hetyja hrošy papracavać».
Na ŭdakładniajučaje pytańnie, ci značać takija słovy toje, što nivodzin startap nie streliŭ, Knyrovič adkazaŭ:
«Praŭda ŭ tym, što tak. My vučylisia. Byli i inšyja biznesoŭcy, akramia mianie. Jany stracili bolš. <…> Nie ŭsie startapy stracili ŭsie hrošy. Niekatoryja pracujuć i dahetul. Ale heta nie adzin [prybytkovy] da dziesiaci [stratnych], jak pavinny zarablać biźnies-anioły na svaich układańniach».
Adkazvajučy na pytańnie, jakija startapy jon adbiraŭ dla svaich inviestycyj, Knyrovič zaŭvažyŭ:
«Ja adbiraŭ nie startapy, a ludziej. Prychodziać ludzi sa startapami. Zrazumieła, što tam małyja hrošy, i heta vyhladaje jak samy pačatak biznesu. Ty razumieješ, jakija vielizarnyja ryzyki dla taho, kab zrabić z małoha startapa bujnoje pradpryjemstva. Siem krokaŭ — i na kožnym ź ich mahčyma stracić usie hrošy.
Tamu ty ŭkładaješ nie ŭ startap, a ŭ čałavieka, jaki pryjšoŭ z hetym startapam, kab pasprabavać pahladzieć, jak jon budzie z hetym zmahacca, jak jon budzie ruchacca napierad. I ŭ hetym sensie ja baču addaču ad hrošaj».
Pa słovach Knyroviča, inviestavańnie ŭ startapy — asobny vid biznesu. I na hetym zarabili tyja ludzi, «jakija zrabili z hetaha prafiesiju i stali prafiesijnymi biźnies-aniołami».
Ale pra stračanyja hrošy Knyrovič nie škaduje: «Ja dziakuju Bohu, što my dali šturšok inšym supołkam biznes-aniołaŭ, jakija dahetul isnujuć. Ja sam na hetym ničoha nie zarabiŭ».
Hladzicie całkam:
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary
Vot poetomu nam tiepieŕ i pridiotsia jemu sbrosiťsia na biednosť.
"Hospoda, ja nie jeł šiesť dniej!"
Kak on voobŝie v fokusie vnimanija okazałsia?
On čiej?
Svoj sriedi čužich ili čužoj sriedi svoich?