U niadzielu 26 maja arcybiskup-emeryt Tadevuš Kandrusievič uznačaliŭ celebracyju śviatoj Imšy ŭ parafii Najśviaciejšaj Trojcy ŭ Zabałaci (Hrodzienskaja dyjacezija, Radunski dekanat) u parafijalnuju ŭračystaść tytułu kaścioła, piša Catholic.by.
Paśla paśviačeńnia biskupa kaadjutara Hrodzienskaj dyjacezii Uładzimira Hulaja ŭ Hrodnie zasłužany ijerarch skiravaŭsia ŭ nievialikuju viaskovuju parafiju ŭ Voranaŭskim rajonie, kab pa zaprašeńni probašča ksiandza Hienrycha Jabłonskaha padzialić ź miascovymi viernikami radaść festu.
Va ŭračystaści braŭ udzieł taksama rektar Miždyjacezijalnaj vyšejšaj duchoŭnaj sieminaryi ŭ Hrodnie ksiondz kanonik Vitalij Vajciachoŭski.
U pramoŭlenaj na śviatoj Imšy hamilii arcybiskup Kandrusievič padkreśliŭ, što tajamnica Śviatoj Trojcy źjaŭlajecca «fundamientalnaj praŭdaj u chryścijanskim vieravučeńni, jakuju možna zrazumieć nie rozumam, ale sercam».
«U praktycy štodzionnaha žyćcia možna znajści šmat vobrazaŭ Śviatoj Trojcy. Jany niedaskanałyja, ale nabližajuć jaje tajamnicu. Naljom u pasudzinu vadu i kiniem u jaje lod. Nad vadoj zaŭsiody jość para. Majem prykład Śviatoj Trojcy: vada, lod i para. Adno, druhoje i treciaje — vada, ale ŭ roznych stanach», — pryvioŭ prykład ijerarch.
«U štodzionnym žyćci my časta nazirajem aktualnaść staražytnaha łacinskaha vyrazu «čałaviek čałavieku voŭk», a pavinien być bratam i siastroj, bo ŭsie my stvoranyja pavodle vobrazu i padabienstva Božaha», — padkreśliŭ zasłužany ijerarch.
Raniej paviedamlałasia, što ijerarch pieranios apieracyju i infarkt.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary