Łukašenka znajšoŭ aryhinalnuju padstavu pakrytykavać Hałoŭčanku
Alaksandru Łukašenku ŭ časie jaho rabočaj pajezdki ŭ Oršu pakazali siakiery biełaruskaj vytvorčaści. Na toje, što Łukašenka i jaho prapahandysty karystajucca siakierami finskaj marki Fiskars, źviartała ŭvahu «Naša Niva». Łukašenka adreahavaŭ i daručyŭ arhanizavać vypusk takoj ajčynnaj pradukcyi.
Novyja biełaruskija siakiery Łukašenku ŭ Oršu pryvieźli až dźvie, kab pakazać, što jany adnolkavyja i ciapier možna pačynać masavuju vytvorčaść. Pracavali nad imi adrazu dva pramysłovyja hihanty — MTZ i «Haryzont».
Łukašenka, jaki kiruje krainaju amal 30 hadoŭ, biez spynu dapikaŭ čynoŭnikaŭ u Oršy, što heta hańba — my stolki majem lesu, a siakiery zakuplajem, maŭlaŭ, da čaho krainu daviali.
Vice-premjer Piotr Parchomčyk, jaki kuryruje pramysłovaść, zapeŭniŭ, što ŭžo z hetymi siakierami ŭsio dobra i paprasiŭ Łukašenku ŭłasnaručna pravieryć ich jakaść.
A taksama dadaŭ, što premjer-ministr ich užo pravieryŭ.
— Premjer-ministr naradziŭsia ŭ kosmasie! Jon nie viedaje, što takoje siakiera! A ja voś pahladžu. Pravierym heta, — paabiacaŭ ułasnaručna pasprabavać siakiery ŭ pracy Łukašenka.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary