Da padpałaŭ u polskich handlovych centrach datyčny imavierny ziać biełaruskaha dypłamata
Jak vyjaviŭ Aljans rasśledavalnikaŭ, Ściapan Kaściučenka, jakoha śpiecsłužby Polščy padazrajuć u datyčnaści da padpałaŭ u handlovych centrach (płanavaŭsia jašče padpał łakafarbavaha zavoda), źjaŭlajecca nie tolki bajcom MMA.
Aljans rasśledavalnikaŭ Biełarusi vyśvietliŭ, što Kaściučenka źviazany jak ź biełaruskimi nacysckimi hrupoŭkami, tak i ź biełaruskim dypłamatam.
Miarkujučy pa materyjałach u adkrytych krynicach, Ściapan pad mianuškaj «Palak» ź siaredziny 2000-ch źviazany z ultrapravymi hrupoŭkami nacysckaha kirunku ź liku blizkich da kalafutbolnaha ruchu. Adnak, niahledziačy na publikacyi ŭ adkrytym dostupie, siłavyja orhany hetym nie nadta cikavilisia.
Pa fota aŭtamabila, apublikavanym paśla zatrymańnia, Aljansu rasśledavalnikaŭ Biełarusi ŭdałosia vyśvietlić, što aŭtamabil Reno Sandera z numarnym znakam 8678RJe-7 naležyć Ściapanu Kaściučenku.
Jahonaja žonka Kaciaryna Siarhiejeŭna Kaściučenka — u dziavoctvie Michnievič — źjaŭlajecca dačkoj byłoha hienieralnaha konsuła Biełarusi ŭ Hdańsku Siarhieja Michnieviča.
Z vysokaj stupieńniu vierahodnaści viarboŭka Ściapana Kaściučenki adbyłasia jašče ŭ Biełarusi praz kantakty, źviazanyja z užyvańniem narkotykaŭ, vykazvaje mierkavańnie ARB.
Ściapan Kaściučenka datyčny da nacysckaj hrupoŭki Combat-18 (tatuiroŭka na nazie jak paćvierdžańnie), Blood&Honor, a taksama da rasijskaha bataljona «Espańjoła» (sfarmavany z rasijskich futbolnych fanataŭ pad kuratarstvam FSB), śćviardžaje ARB.
Ahienctva ŭnutranaj biaśpieki (ABW) Polščy zatrymała napiaredadni troch padazravanych u pracy na rasiejskuju raźviedku i ździajśnieńni dyviersij. Siarod ich dvoje hramadzian Biełarusi i adzin hramadzianin Polščy. Havorka idzie pra padpalščykaŭ bujnych abjektaŭ u Polščy.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu4
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary