Kraŭcoŭ paspračaŭsia z Usavym: «Rasijskija inviestycyi — supier. Kamu jany nie padabajucca?»
U novym vypusku tok-šou «Mnie taksama nie padabajecca» abmiarkoŭvali pytańnie, ci varta Biełarusi siabravać z Rasijaj.
Pytańnie rasijskich inviestycyj vyklikała sprečku pamiž kiraŭnikom Varšaŭskaha Centra palityčnaha analizu Paŭłam Usavym i sakratarom Kaardynacyjnaj rady Ivanam Kraŭcovym.
Pa słovach Kraŭcova, rasijskija inviestycyi ŭ Biełaruś, heta «supier»:
«Ja nie viedaju, kamu jany nie padabajucca. Nam, mahčyma, nie padabajucca pavodziny ludziej (rasijan — «NN») na vulicy. Heta zrazumieła. Ale kali da nas prychodziać inviestycyi… Lubyja inviestycyi treba prymać. I ź Siaredniaj Azii, i ź Jeŭropy i z Brytanii».
Adnosna zaŭvahi pra toje, što ŭ nahruzku da hetych inviestycyj iduć i śpiecyfičnyja adnosiny da biełarusaŭ, Kraŭcoŭ zaŭvažyŭ:
«Ničoha. Z časam projdzie».
U svaju čarhu Usaŭ vykazaŭ dumku, što rost rasijskaha ŭpłyvu ŭ Biełarusi praź inviestycyi pryviadzie da taho, što «pasijanaryi ź Biełarusi ŭvohule źjeduć» i «pabudavać novuju Biełaruś prosta nie budzie kamu. Jana stanie subkałonijaj Rasii. Kvaziprydniastroŭjem».
Z Usavym nie pahadziłasia prysutnaja ŭ studyi lidarka «Moładzievaha nastupu» Lizavieta Prakopčyk:
«U nas zaŭsiody było šmat rasijskich kampanij. I nikoli nikomu jany nie zaminali. Usie, naadvarot, chadzili i pracavali [ŭ ich]».
Na što Usaŭ adkazaŭ: «U nas było šmat rasijskich kampanij, bo nie było jeŭrapiejskich. Z pryčyny taho, što my byli ŭ sajuzie z Rasijaj — ekanamičnym, palityčnym, stratehičnym. Z vysokimi ekanamičnymi ryzykami. Što pryviało da taho, što jeŭrapiejskija kampanii nie chacieli inviestavać».
U jakaści prykładu Usaŭ zhadaŭ niaŭdałuju sprobu pabudovy ŭ Biełarusi zavoda «Ford», pryciahnieńnia jeŭrapiejskich inviestycyj na «Motavieła».
«Tut dakładna Rasija nie vinavataja, tamu što zavody «Biełvieł» byli ŭ Rasii spakojna. Heta, značyć, nie ŭ Rasii prablema», — zaŭvažyŭ Kraŭcoŭ.
«Nu tak, zrazumieła, nie ŭ Rasii», — pahadziŭsia Usaŭ, kab skončyć dyskusiju.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»8
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary