Dźvie krainy ŭ ES prapanavali nie abmiažoŭvać vyvaz luksavych tavaraŭ u Biełaruś
Hiermanija i Francyja vystupili ź inicyjatyvaj nie abmiažoŭvać vyvaz ź ES luksavych tavaraŭ, u pryvatnaści aŭtamabilaŭ, praź Biełaruś. Pra heta piša «Prajm» sa spasyłkaj na Politico.
Sa słoŭ jeŭrapiejskich dypłamataŭ, jakija vystupili ŭ Politico, Hiermanija piarečyć tamu, kab ES «zakryŭ ščylinu», jakaja dahetul dazvalaje pieramiaščać pradmiety raskošy ŭ Rasiju praź Biełaruś.
Adnačasova i Francyja nie padtrymlivaje ŭviadzieńnie Jeŭrasajuzam abmiežavańniaŭ na pastaŭki luksavych tavaraŭ u Rasiju. Pry hetym Paryž hatovy da «žorstkich zachadaŭ u dačynieńni da krain, jakija abychodziać sankcyi», kali havorka idzie pra «tavary, jakija słužać vajskovym namahańniam Rasii».
U dyskusii, jakaja razharnułasia ŭ Jeŭrakamisii, Hiermanija nastojvaje na ŭzmocnienym ekspartnym kantroli tolki tavaraŭ, prydatnych u vajennych dziejańniach Rasii.
Na Hiermaniju prychodzicca kala 42% ekspartu aŭtamabilaŭ ź ES u Biełaruś.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary