Vyjšaŭ fotaalbom unikalnych materyjałaŭ ekśpiedycyi Vacłava Łastoŭskaha 1928 hoda
Albom unikalnaj kalekcyi fotamateryjałaŭ, sabranych etnahrafičnaj ekśpiedycyjaj pad kiraŭnictvam Vacłava Łastoŭskaha na Słuččynie i Mazyrščynie ŭ 1928 hodzie, padrychtavali da druku vydaviectvy Czabor Publishing i Skaryna Press.
Vydańnie ŭpieršyniu pradstaŭlaje šyrokamu kołu čytačoŭ kalekcyju fotamateryjałaŭ, sabranych etnahrafičnaj ekśpiedycyjaj pad kiraŭnictvam Vacłava Łastoŭskaha na Słuččynie i Mazyrščynie ŭ 1928 hodzie.
U im pradstaŭlenyja vyjavy z aryhinalnaha alboma ekśpiedycyi, jaki zachoŭvajecca ŭ Biblijatecy i muziei imia Franciška Skaryny ŭ Łondanie. Unikalnyja fotazdymki z uzorami sakralnaha mastactva i architektury, narodnaha kaściumu, tkactva i pradmietaŭ pobytu adlustroŭvajuć bahatuju i samabytnuju kulturu paŭdniovych rehijonaŭ Biełarusi.
Układalnica, aŭtarka tekstu i kamientaroŭ vydańnia — mastactvaznaŭca, kulturołah i etnołah Volha Łabačeŭskaja.
Redaktarka — Karalina Mackievič.
Albom maje navukovuju i praktyčnuju kaštoŭnaść dla etnohrafaŭ, mastactvaznaŭcaŭ, kulturołahaŭ, historykaŭ navuki, muziejnych supracoŭnikaŭ i budzie cikavy šyrokamu kołu amataraŭ biełaruskaj tradycyjnaj kultury.
Kiraŭnikom ekśpiedycyi ŭ 1928 hodzie byŭ Vacłaŭ Łastoŭski, jaki ŭ toj čas zahadvaŭ kafiedraj etnahrafii Inbiełkulta i byŭ dyrektaram Biełaruskaha dziaržaŭnaha muzieju.
Składany los napatkaŭ jak materyjały ekśpiedycyi, tak i jaje ŭdzielnikaŭ: stalinskija represii, akupacyja padčas Druhoj suśvietnaj vajny. Ale fotaalbom, uratavany padčas vajny, zachavaŭsia ŭ Łondanie, raskazvajuć u vydaviectvie Skaryna Press, demanstrujučy frahmienty ŭnikalnaj knihi, a taksama publikujučy artykuł Volhi Łabačeŭskaj «Archiŭ zabytaj ekspedycyi».
Nabyć fotaalbom možna ŭ internet-kramie kniger.by ź pierasyłkaj pa ŭsim śviecie. Abo ŭ kramie ŭ Minsku: HC «Kupałaŭski» pad Kastryčnickaj płoščaj, ralety 41-42 (pn — pt z 11 da 18.30, sb z 11 da 17, nd z 11 da 16). Mahčymaja kurjerskaja dastaŭka pa Minsku, košt dastaŭki 8 rubloŭ.
Kamientary