Vyznačylisia supierniki biełaruskich kłubaŭ u kvalifikacyi jeŭrakubkaŭ
18 červienia ŭ štab-kvatery UEFA ŭ šviejcarskim Ńjonie prajšło losavańnie pieršaha raunda kvalifikacyi Lihi čempijonaŭ i Lihi kanfierencyj siezona 2024/25.
Minskaje «Dynama» ŭ pieršym raŭndzie kvalifikacyi ŁČ sustreniecca z armianskim «Piunikam»
Čempijon Biełarusi — 2023 minskaje «Dynama» zhulaje z «Piunikam» (Armienija). Pieršy matč minčanie praviaduć na niejtralnym poli, hulnia ŭ adkaz adbudziecca ŭ Armienii.
Matčy pieršaha raunda projduć 9-10 i 16-17 lipienia.
U pieršym raŭndzie Lihi kanfierencyj «Tarpieda-BiełAZ» zhulaje z małdoŭskim «Miłsami», a «Isłač» z san-marynskaj «Ła-Fijarytaj».
Matčy stadyi projduć 11 i 18 lipienia.
U sieradu, 19 červienia, adbudziecca losavańnie druhoha raŭndu kvalifikacyi Lihi čempijonaŭ i Lihi kanfierencyj, z hetaj stadyi startuje hrodzienski «Nioman».
Z sakavika 2022-ha paśla ŭvarvańnia Rasii va Ukrainu z vykarystańniem terytoryi Biełarusi ŭsie kłuby i zbornyja Biełarusi pavinny pravodzić damašnija matčy vyklučna na niejtralnaj terytoryi i biez hledačoŭ na trybunach.
Taksama varta adznačyć, što biełaruski kłub (heta byŭ BATE) apošni raz hulaŭ u hrupavym raŭndzie jeŭrakubkaŭ u siezonie 2018—2019.
Siońnia taksama buduć viedać svaich supiernikaŭ u pieršym raŭndzie Lihi kanfierencyj «Tarpieda-BiełAZ» i «Isłač».
Kab trapić u asnoŭny raŭnd jeŭrakubkaŭ, treba prajści čatyry raŭndy kvalifikacyi.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary