«Cikavaść da Biełarusi viartajecca». U Łondanie prachodzić kanfierencyja pa Biełarusi i Ukrainie
Hałoŭny daradca Śviatłany Cichanoŭskaj Franak Viačorka i daradca pa dypłamatyčnych pytańniach Dzianis Kučynski ŭziali ŭdzieł u kanfierencyi «Pierśpiektyvy intehracyi Ukrainy i Biełarusi ŭ ES: acenka budučyni». Mierapryjemstva prajšło ŭ Łondanie z udziełam čynoŭnikaŭ, palitykaŭ, ekśpiertnaj supolnaści, a taksama pradstaŭnikoŭ jeŭrapiejskich strukturaŭ i śpiecpasłańnikaŭ pa Biełarusi.
Biełaruskaja častka była pryśviečanaja ŭzroŭniu hatoŭnaści biełarusaŭ da jeŭrapiejskaha vybaru i jeŭrapiejskaj budučyni. Akramia taho, havorka išła pra toje, što Jeŭrasajuz i jeŭrapiejskija struktury mohuć zrabić, kab dapamahčy našaj krainie na šlachu jeŭraintehracyi.
Franak Viačorka adznačyŭ, što tema Biełarusi viartajecca na paradak dnia.
«U Łondanie tema Biełarusi hučyć dastatkova redka, tamu sama kanfierencyja i jaje ŭzrovień pakazvajuć: cikavaść viartajecca. U Vialikabrytanii praz tydzień adbuducca vybary, i vielmi važna, kab novy ŭrad trymaŭ Biełaruś na paradku dnia, i kab źjaviłasia stratehija ŭ dačynieńni da Biełarusi. Mahčyma, tyja punkty, jakija siońnia abmiarkoŭvajucca na kanfierencyi, u hetuju stratehiju ŭvojduć. Siońniašniaja dyskusija pra Ukrainu i Biełaruś akazałasia vielmi svoječasovaj», — prakamientavaŭ Viačorka.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary