Vychodzić kniha dla dziaciej (i darosłych) «Pryhody dziadzi Vici na Vaładarcy»
Jaje aŭtar — viadomy žurnalist Aleh Hruździłovič, jaki adsiadzieŭ za kratami 10 miesiacaŭ i vydaŭ hod tamu turemny dziońnik. Zaraz vydaje knihu fond «Kamunikat».
«Čarhovaja kniha pajšła ŭ druk!!!
«Pryhody Dziadzi Vici na Vaładarcy» — vieršy i malunki dla dziaciej z darosłymi. Heta vieršy i malunki žurnalista «Radyjo Svaboda» Aleha Hruździłoviča, jaki ŭ śniežni 2021 hoda byŭ aryštavany za toje, što aśviatlaŭ pratesty», — napisaŭ u svaim fejsbuku kiraŭnik i stvaralnik interniet-biblijateki «Kamunikat», vydaviec ź Biełastoka Jarasłaŭ Ivaniuk.
«Vieršy i malunki pra aryštanta dziadziu Viciu, što ŭvajšli ŭ hetuju knihu, Aleh Hruździłovič napisaŭ i namalavaŭ na Vaładarcy dla ŭnukaŭ Jevy, Safii, Kastusia, Alaŭciny dy Anatola, ale adtul častka listoŭ nie dajšła na volu praz cenzuru. Pašancavała z akazijaj pieradać «Pryhody dziadzi Vici» z mahiloŭskaha SIZA. Paźniej u kałonii ŭsie listy i rukapisy aŭtara byli źniščanyja. Start prodažy na Fiestyvali «Letucień» u Krakavie 27 lipienia!!!» — dadaŭ Jarasłaŭ Ivaniuk.
Aleh Hruździłovič — aŭtar knihi «Maje turemnyja mury», dzie jon apisaŭ svajo źniavoleńnie. Aleh byŭ zatrymany 23 śniežnia 2021 hoda, jon nie pryznaŭ viny i byŭ asudžany na 1,5 hoda źniavoleńnia. Adbyvaŭ pakarańnie ŭ minskim SIZA na vulicy Vaładarskaha i ŭ kałonii pad Mahilovam.
Usie raździeły jahonaj knihi «Maje turemnyja mury» publikavalisia na sajcie «Našaj Nivy».
Žurnalist Aleh Hruździłovič prezientavaŭ svaju knihu pra pieražytaje za kratami. I nazvaŭ samy papularny raman na Vaładarcy
Hruździłovič: Baluča byvaje čuć, kali kažuć: «Nu voś ciapier ty ŭžo narmalny, a to ž taki byŭ strašenny!»
Fond Kamunikat.org adčyniŭ internet-kniharniu Kamunikat.shop
«Prapahanda nazyvała mianie etničnym palakam — a ja biełarus». Zasnavalnik internet-biblijateki «Kamunikat» pra jaje historyju, napadki režymu i niečakanyja knihi ŭ topie spampovak
Ciapier čytajuć
Što Babaryka i Kaleśnikava adkazali na pytańni pra vajnu93
Kamientary