Jak vykarystaje zamach na siabie Donald Tramp, što źbirajecca ŭ prezidenty ZŠA? Papiaredni adkaz na hetaje pytańnie moža dać niadaŭni incydent u Słavakii, dzie zamach pieražyŭ premjer-ministr Robiert Fico, piša «Jeŭrapiejskaja praŭda».
U doŭhim zvarocie paśla zamachu Fico ŭskłaŭ faktyčnuju adkaznaść za zamach na słavackuju apazicyju i ŚMI.
I hetym, biezumoŭna, zhurtavaŭ ułasnych prychilnikaŭ, i adnačasova — jašče bolš pahłybiŭ raskoł u krainie.
«U i biez taho palaryzavanych ZŠA, dzie za pasadu prezidenta spaborničajuć dva niepapularnyja kandydaty, dalejšy raskoł moža abvastryć kryzis. Jašče bolš padzialić vybarščykaŭ pa partyjnych linijach. Jašče bolš padtačyć amierykanskuju demakratyju ŭ važny hod vybaraŭ.
Hetyja kryzisnyja źjavy zusim nie na karyść zachodniamu śvietu, a asabliva — Ukrainie, dla jakoj padtrymka ZŠA hraje vyrašalnuju rolu dla adbićcia poŭnamaštabnaj ahresii Rasii.
I naadvarot: dla Maskvy i ŭznačalenaj joju «vosi zła» zamach na adnaho z top-palitykaŭ ZŠA i biesparadak, jaki za im rušyć uśled, — tolki ŭ dapamohu», — razvažaje žurnalist vydańnia.
Nahadajem, stralanina adbyłasia 14 lipienia padčas vystupu Trampa pierad prychilnikami. Były prezident ZŠA, jaki znoŭ vyłučajecca na pasadu kiraŭnika krainy, byŭ lohka paranieny ŭ vucha. Dva čałavieki, uklučajučy strałka, zabityja, dvoje ŭdzielnikaŭ mitynhu ciažka paranienyja.
-
U Padmaskoŭi zahinuŭ kiraŭnik kampanii-pastaŭščyka kampazitnych materyjałaŭ dla MS-21 i paranieny budaŭnik kaśmičnaha centra, adkrytaha Pucinym
-
Kibierataka paralizavała pracu aeraportaŭ pa ŭsioj Jeŭropie
-
Saudaŭskaja Aravija ŭ ramkach vajennaha sajuza z Pakistanam moža atrymać dostup da jadziernaj zbroi
Ciapier čytajuć
Jak skłałasia ŭ emihracyi žyćcio 22‑hadovaj «terarystki» Danuty Pieradni, jakuju vyzvalili pa pamiłavańni3
Kamientary