Jon budzie aficyjna vyłučany kandydatam u prezidenty ad Respublikanskaj partyi paśla taho, jak u subotu jon pieražyŭ zamach na svajo žyćcio padčas mitynhu ŭ Piensilvanii, piša «Hołas Amieryki».
Tramp pavinien atrymać aficyjnaje vyłučeńnie ad svajoj partyi na Respublikanskaj nacyjanalnaj kanviencyi, jaki pačniecca ŭ Miłuoki (štat Viskonsin) u paniadziełak.
FBR pakul nie vałodaje infarmacyjaj ab jakoj-niebudź pahrozie Kanvientu abo kamu-niebudź ź jaho ŭdzielnikaŭ, u toj čas jak sakretnaja słužba zajaviła, što nie čakaje źmianieńniaŭ u płanie biaśpieki.
«Ja źbiraŭsia adkłaści svaju pajezdku ŭ Viskonsin na Respublikanski nacyjanalny kanvient na dva dni, ale tolki što vyrašyŭ, što nie mahu dazvolić «strałku» abo patencyjnamu zabojcu ŭnosić źmieny ŭ moj raskład abo ŭ što-niebudź jašče», — napisaŭ Tramp u svaim paście na Truth Social u niadzielu.
U chodzie kanviencyi adbuducca vystupy novych zorak Respublikanskaj partyi, akramia taho, čakajecca, što Tramp ahučyć imia svajho kandydata na pasadu vice-prezidenta.
Pazicyja partyi pa takich pytańniach, jak aborty, imihracyja i ekanomika taksama stanie pradmietam abmierkavańnia delehataŭ i haściej hetaha važnaha forumu respublikancaŭ.
Pavodle bolšaści apytańniaŭ hramadskaj dumki, uklučajučy apytańni Reuters/Ipsos, Tramp i Bajden iduć amal na roŭnych. Stralba ŭ subotu kardynalna źmianiła abmierkavańnie kampanii, jakaja była skancentravana na tym, ci pavinien 81-hadovy Bajden vyjści z honki paśla jaho niaŭpeŭnienaha vystupu na debatach 27 červienia.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ130
Kamientary
Eto łohično, potomu čto kalibr puli ot vintovki śnies by eto ucho jeśli nie cielikom, to napołovinu.
Striełok sdiełał nieskolko vystriełov v tołpu, ubiv čiełovieka i raniv dvoich v tołpie.
Na ścienu on nie strielał.
Vierojatno strielał storońnik Trampa, kotoryj nie chotieł jeho ubiť ili raniť, no dobivałsia kakich-to druhich cielej. Vspomnim "pokušienije" na Łukašienko!!!!