MZS Hiermanii pra los asudžanaha na śmierć Kryhiera: Treba nabracca ciarpieńnia
Pradstaŭnik zamiežnapalityčnaha viedamstva Hiermanii zajaviŭ, što padtrymlivaje kantakty z aficyjnym Minskam nakont losu Ryka Kryhiera.
MZS Hiermanii pracuje nad spravaj Ryka Kryhiera, asudžanaha na śmiarotnaje pakarańnie ŭ Biełarusi.
Pradstaŭnik viedamstva Kryścijan Vahnier zajaviŭ, što Kryhieru z samaha pačatku akazvajecca konsulskaja dapamoha, piša DW.
«My zajmajemsia jaho losam i z samaha pačatku akazvajem jamu intensiŭnuju konsulskuju padtrymku. A taksama aktyŭna abaraniajem jaho intaresy pierad biełaruskimi ŭładami», — adznačyŭ Vahnier.
Nijakich padrabiaznaściaŭ pradstaŭnik MZS Hiermanii nie paviedamiŭ. Akramia taho, jon uchiliŭsia ad adkazu na pytańnie ab mahčymych prapanovach Minska pa losie Kryhiera.
«U hetych adnosinach vam jašče pryjdziecca nabracca ciarpieńnia. Jak ja ŭžo skazaŭ, našym pryjarytetam źjaŭlajecca ŭsiebakovaja padtrymka», — dadaŭ jon.
Pa słovach Vahniera, niahledziačy na niepryznańnie Alaksandra Łukašenki abranym prezidentam, Bierlin padtrymlivaje dypłamatyčnyja adnosiny ź Biełaruśsiu.
«U nas jość pasolstva ŭ Minsku, jano dziejučaje i pracuje. Dadzienaja konsulskaja padtrymka ažyćciaŭlajecca na miescy. Jak ja ŭžo skazaŭ, ja nie budu ŭdavacca ŭ padrabiaznaści. Ja mahu adkazać u cełym, što zvyčajna ŭklučaje ŭ siabie konsulskuju dapamohu: kantakty z zatrymanym, kantakty z členami siamji, advakatami, naviedvańnia turmaŭ i abmierkavańnie ŭmoŭ utrymańnia z uładami», — rastłumačyŭ Vahnier.
Ryka Kryhier byŭ asudžany na śmiarotnaje pakarańnie Minabłsudam pa abvinavačvańni ŭ tym liku ŭ akcie teraryzmu. Pry hetym padrabiaznaści spravy nieviadomyja.
«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu
Źjaviłasia FOTA z suda nad Ryka Kryhieram
Niemiec, prysudžany da rasstrełu, datyčny da dyviersij? Voś što za historyja heta mahła być
Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary