Minskaje «Dynama» pieramahło «Łudahorac», ale ŭsio adno vylataje ź Lihi čempijonaŭ u Lihu Jeŭropy
«Dynama» — «Łudahorac» — 1:0.
Tydzień tamu bałhary na svaim poli pieramahli 2:0, a siońnia ŭ Vienhryi, dzie biełarusy pravodziać chatnija matčy, «Dynama» vyjhrała ź minimalnym likam 1:0, što, naturalna, nie chapiła, kab prajści ŭ nastupny etap.
Adnak minski kłub praciahnie vystup u trecim raŭndzie kvalifikacyi Lihi Jeŭropy, dzie supiernikam budzie hibrałtarski «Linkoln Red Imps». «Čyrvonyja čerci» ŭ druhim raŭndzie Lihi čempijonaŭ dvojčy sastupili azierbajdžanskamu «Karabachu» (0:2, 0:5).
Matčy projduć 8 i 15 žniŭnia.
Kali «Dynama» projdzie «Linkoln», to jano jak minimum zhulaje ŭ hrupavym raŭndzie Lihi kanfierencyj. Kali ž prajhraje, to zhulaje akurat u płej-of kvalifikacyi Lihi kanfierencyj.
U siezonie 2021-2022 «Linkoln» hulaŭ u hrupavoj stadyi Lihi kanfierencyj (treciaha pa statusie jeŭraturniru), dzie prajhraŭ va ŭsich šaści matčach, ale pierad hetym u płej-of kvalifikacyi Lihi kanfierencyj vybiŭ «Ryhu» (3:1, 1:1)
U čaćvier, 1 žniŭnia, u Vienhryi matč u adkaz kvalifikacyi Lihi kanfierencyj praviadzie hrodzienski «Nioman». Tydzień tamu ŭ Rumynii jon zhulaŭ z «Kłužam» uničyju 0:0.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary