U pačatku vieraśnia vyjšaŭ na volu, całkam adbyŭšy pryznačany termin źniavoleńnia, palitviazień Artur Rybin z Homiela. U 2021 hodzie jamu prysudzili 3,5 hady kałonii, piša «Homielskaja viasna».
Paśla adbytaha terminu palityčna matyvavanaha źniavoleńnia na volu vyjšaŭ hamialčuk
04.09.2024
Artur Rybin.
2 žniŭnia 2021 hoda Homielskim abłasnym sudom Arturu Rybinu byŭ vyniesieny prysud pavodle č. 1 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści albo varažniečy) i č. 1 art. 339 (chulihanstva) Kryminalnaha kodeksa.
Zhodna z abvinavačvańniem, u listapadzie 2020 hoda Artur Rybin nibyta zrabiŭ instalacyju z partretam Łukašenki i nadpisam «Hary ŭ piekle», pastaviŭ jaje na adnoj z haradskich pustak, sfatahrafavaŭ i vykłaŭ fota ŭ telehram-čat. Heta było nazvana chulihanstvam.
Taksama Rybin napisaŭ u internecie kamientar: «Uviesnu treba vychodzić i nie sychodzić z vulicy. Kali ciabie bjuć, možna bić u adkaz». Heta było kvalifikavana jak raspalvańnie varažniečy da milicyjantaŭ.
Sudździa Halina Śviatko prysudziła Arturu 3,5 hoda pazbaŭleńnia voli va ŭmovach ahulnaha režymu. Termin źniavoleńnia mužčyna adbyvaŭ ŭ kałonii №3 u h.p. Vićba pad Viciebskam.
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»10
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3535
Kamientary