Stołtenbierh: Samy chutki sposab skončyć vajnu — prajhrać jaje. Ale heta pryniasie nie mir, a rasijskuju akupacyju
«My pavinny razmaŭlać z našymi susiedziami, jak by ciažka heta ni było. Ale dyjałoh dziejničaje tolki tady, kali jon padmacavany mocnaj abaronaj».
Vystupajučy na mierapryjemstvie Niamieckaha fondu Maršała «Refleksii na składanaje dziesiacihodździe», hienieralny sakratar NATA Jens Stołtenbierh adznačyŭ, što adnym z urokaŭ minułaha, jakija źjaŭlajucca centralnymi dla pośpiechu NATA ŭ budučym, zaklučajecca ŭ tym, što «vajskovaja mahutnaść źjaŭlajecca pieradumovaj dla dyjałohu».
«My pavinny razmaŭlać z našymi susiedziami, jak by ciažka heta ni było. Ale dyjałoh pracuje tolki tady, kali jon padmacavany mocnaj abaronaj», —
skazaŭ Stołtenbierh i adznačyŭ, što prykład Ukrainy heta nahladna pakazvaje.
«My ŭsie chočam, kab hetaja vajna skončyłasia. Samy chutki sposab skončyć vajnu — prajhrać jaje, ale heta pryniasie nie mir, a rasijskuju akupacyju», — padkreśliŭ hienieralny sakratar aljansu.
Pa słovach Stołtenbierha, Pucin ličyć, što moža dasiahnuć svaich met vajennym šlacham i «vieryć, što moža pieračakać nas».
«Ja nie vieru, što my možam źmianić mierkavańnie Pucina. Ale ja vieru, što my možam źmianić jaho raźlik», —
skazaŭ Stołtenbierh i patłumačyŭ, što pastaŭki bolšaj kolkaści zbroi Ukrainie mohuć prymusić Pucina zrazumieć, što siłaj jon nie atrymaje toje, čaho choča.
«Paradoks zaklučajecca ŭ tym, što čym bolš zbroi my zmožam pastavić Ukrainie, tym bolšaja imaviernaść taho, što my zmožam dasiahnuć miru. Čym macniejšaja naša doŭhaterminovaja padtrymka Ukrainy, tym chutčej moža skončycca vajna», — padkreśliŭ Stołtenbierh.
Hienieralny sakratar NATA adznačyŭ, što Rasija pavinna ŭdzielničać u budučych mirnych pieramovach. Viadoma, što Minskija pahadnieńni paśla ŭvarvańnia Rasii ŭ 2014 hodzie miru nie prynieśli. Tamu lubaja budučaja damoŭlenaść pavinna być padmacavana mocnaj padtrymkaj Ukrainy i nadziejnymi harantyjami biaśpieki, kab zabiaśpiečyć tryvały mir.
«Nie moža być ustojlivaj biaśpieki ŭ Jeŭropie biez stabilnaj Ukrainy. I nie moža być biaśpieki dla Ukrainy bieź jaje členstva ŭ NATA. Dźviery ŭ NATA adkryty. Ukraina dałučycca», — skazaŭ hienieralny sakratar aljansu.
Jens Stołtenbierh taksama zajaviŭ, što krainam NATA ŭžo niedastatkova vydatkoŭvać 2% VUP na abaronu dla vykanańnia ŭzhodnienych płanaŭ i zaklikaŭ krainy aljansu pavialičyć inviestycyi ŭ jaje.
Ciapier čytajuć
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1313
Kamientary
Hetym vajna nie skončycca, u lepšym vypadku jana prypynicca. Paśla Rasieja pojdzie dalej. Raz atrymałasia tut, čamu nie praciahvać?