Hramadstva4444

Pres-słužba AAN nazvała Cichanoŭskuju «prezident-elekt»

23 vieraśnia vystup Śviatłany Cichanoŭskaj pakazali na 57-j čarhovaj siesii Rady pa pravach čałavieka AAN u Ženievie. Udzielnikam jana była pradstaŭlena jak abrany prezident Biełarusi, zaŭvažyŭ Reform.news.

Voś što skazała Cichanoŭskaja:

«U Biełarusi za kratami zastajucca bolš za 1400 palityčnych źniavolenych. Heta nastaŭniki, daktary, žurnalisty i aktyvisty. U čym ich złačynstva? Jany kažuć praŭdu i marać pra svabodu.

Mnohija ź ich utrymlivajucca ŭ poŭnaj izalacyi — inkamunikada — bieź listoŭ, biez telefonnych zvankoŭ, biez kantaktaŭ sa źniešnim śvietam. Moj muž Siarhiej adrezany ad śvietu bolš za hod. Ja nie viedaju, ci žyvy jon. My ničoha nie čuli ad Mikałaja Statkieviča, Maryi Kaleśnikavaj, Ihara Łosika i mnohich inšych. Łaŭreat Nobieleŭskaj premii Aleś Bialacki nie atrymlivaje nieabchodnych lekaŭ. Heta psichałahičnaje katavańnie — nie tolki dla ich, ale i dla ich siemjaŭ.

Biełaruskija turmy — śmiarotnyja pastki. Z 2020 hoda ŭ źniavoleńni pamierli ŭžo piać palityčnych źniavolenych, u tym liku Aleś Puškin i Vitold Ašurak. My nie možam čakać novych śmierciaŭ.

Ja zaklikaju arhanizacyju Abjadnanych Nacyj dziejničać. Patrabujcie spynić utrymańnie pad vartaj biez suviazi sa źniešnim śvietam. Patrabujcie dostupu da miedycynskaj dapamohi i znosin ź siemjami dla ŭsich palityčnych źniavolenych. Heta nie prosta palityčnaje pytańnie — heta pytańnie žyćcia i śmierci.

Ja prašu suśvietnych lidaraŭ zrabić vyzvaleńnie palityčnych źniavolenych pryjarytetam. Kazać. Vykarystoŭvajcie svoj upłyŭ. Karajcie vinavatych. Razam my možam spynić hety teror i viarnuć nadzieju Biełarusi».

Kamientary44

  • Lavon
    24.09.2024
    Dobra. Da 2025ha. Dalej što?
    • Łopie die Vieha
      24.09.2024
      Lavon, sobaka na sienie.
    • Botam
      24.09.2024
      Lavon, A što dalej možna pahladzieć na prykładzie Zialenskaha, vybary niemahčyma pravieści z za vajny ŭ ich i z za dyktatury ŭ nas i Zialenski zastaŭsia prezidentam da zakančeńnia vajny, a Cichanoŭskaja da zrynańnia dyktatury. Tak što rasijskaja mietadyčka "skončyŭsia srok" ŭ botaŭ nie spracuje. Heta ŭ vašych Pucina i Łukašenki srok skončyŭsia.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Usie naviny →
Usie naviny

Zatrymali 11 mieniedžaraŭ sietki sekand-chendaŭ «Adzieńnie ź Jeŭropy»6

Pad Minskam źjavicca novaja daroha. Jaje košt aceńvajecca ŭ miljon dołaraŭ2

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»23

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

bolš čytanych navin
bolš łajkanych navin

Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić