Izrailskaja armija paviedamiła, što ŭ paniadziełak pačała «abmiežavanuju apieracyju» na poŭdni Livana, metaj jakoj źjaŭlajucca abjekty livanskaj hrupoŭki «Chiezbała» ŭ pamiežnych rajonach, piša Bi-bi-si.
«Niekalki hadzin tamu CACHAŁ pačaŭ abmiežavanyja, łakalizavanyja i metavyja naziemnyja rejdy na asnovie dakładnaj raźviedvalnaj infarmacyi suprać terarystyčnych abjektaŭ i infrastruktury «Chiezbały» ŭ Paŭdniovym Livanie. Hetyja celi raźmieščanyja ŭ vioskach niepadalok ad miažy i niasuć niepasrednuju pahrozu izrailskim pasieliščam na poŭnačy Izraila», — havorycca ŭ paviedamleńni Armii abarony Izraila.
Vajskoŭcy dadali, što izrailskija VPS i artyleryja padtrymlivajuć naziemnyja vojski dakładnymi ŭdarami pa vajennych celach u hetym rajonie.
U paniadziełak źjaŭlalisia paviedamleńni, što Izrail rychtujecca da naziemnaj apieracyi na miažy ź Livanam, kab zaścierahčy paŭnočnyja rajony krainy, jakija padviarhajucca pastajannym abstrełam z boku bajevikoŭ «Chiezbały».
Na takuju mahčymaść namiakaŭ izrailski ministr abarony Joaŭ Hałant, uviečary nienazvany supracoŭnik amierykanskaj administracyi skazaŭ žurnalistam, što apieracyja moža pačacca ŭ paniadziełak.
U paniadziełak uviečary ŭ Izraili prajšło pasiadžeńnie vajskovaha kabinieta, na jakim, jak paviedamlajuć izrailskija ŚMI, byŭ uchvaleny nastupny etap apieracyi suprać «Chiezbały».
Pradstaŭnik Dziarždepartamienta ZŠA Mećju Miler zajaviŭ na bryfinhu, što izrailskija ŭłady prainfarmavali Vašynhton ab «šerahu apieracyj», uklučajučy naziemnyja, u Livanie.
«Jany paviedamili nam, što heta abmiežavanyja apieracyi, zasiarodžanyja na infrastruktury «Chiezbały» pablizu miažy», — zajaviŭ jon.
U Pientahonie paviedamili, što ministr abarony ZŠA Łojd Ościn pravioŭ razmovu sa svaim izrailskim kaleham, padčas jakoha baki «pahadzilisia ź nieabchodnaściu demantažu infrastruktury napadaŭ» na paŭnočnaj miažy, kab nie dapuścić napadaŭ z boku «Chiezbały».
Ościn taksama padkreśliŭ, što nieabchodna «dypłamatyčnaje rašeńnie, kab harantavać, što hramadzianskija asoby zmohuć biaśpiečna viarnucca ŭ svaje damy pa abodva baki miažy».
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu99
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu9
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary