Pałacava-parkavy kompleks Śviatapołk-Čaćviarcinskich u pasiołku Žałudok Ščučynskaha rajona znoŭ vystavili na aŭkcyjon. RAniej viadomuju siadzibu ŭžo sprabavali puścić z małatka, ale pakupnikoŭ nie znajšłosia.
U vieraśni siadzibu sprabavali pradać za 600 tys. rubloŭ, ale kupcoŭ nie znajšłosia. Ciapier košt źnižany da 304 tys.
Zajaŭki prymajucca da 25 kastryčnika, aŭkcyjon adbudziecca 29-ha.
Vialikaja siadziba była pabudavanaja ŭ 1907 hodzie Ludvikam Śviatapołk-Čaćviarcinskim pa prajekcie italjanskaha architektara Uładzisłava Markoni. Kompleks uklučaje siadzibu, flihiel, kuźniu, haspadarčyja pabudovy i park, jakija častkova zachavalisia da našych dzion.
U 2010 hodzie na terytoryi kompleksa zdymali pieršy biełaruski film žachaŭ «Masakra», zasnavany na naviele francuzskaha piśmieńnika Praśpiera Merymie «Łokis» i starabiełaruskich lehiendach. Dziejańnie filma adbyvajecca ŭ 60-ja hady XIX stahodździa.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary